घडो सेवा ही भाषेची
घडो सेवा ही भाषेची
घडो सेवा ही भाषेची
मला तिचा अभिमान
मायबोली मराठीचा
जगी होईल सन्मान
संतांचाच वारसा हा
नाळ मातीशी जुळली
संस्कृतीची ज्ञान वेल
भाषा शब्दांनी खुलली
नव रसांचा शृंगार,
शब्द समृद्ध पवित्र
ग्रंथ ह्यात पुरातन
शब्द फुलवी सर्वत्र
स्फूर्तीगीत अभंगाने
लोका केले हो सज्ञान
ओवी अनुभव गाती
गीते मिटविती अज्ञान
अमृताते पैजा जिंके
गोडी अवीट बहरे
मंत्रमुग्ध लेखणीचे
कधी ना आटती झरे
शालीनता बाज तिला
अभिजात दर्जा असे
सौंदर्यसंपन्न ऐसी
आरस्पानी रूप साजे
कस्तुरीचा दरवळे
गंध जणू चोहिकडे
रस हा अभिव्यक्तीचा
मराठीचे बोल खडे