एक पणती मी व्यसनमुक्तीची

एक पणती व्यसनमुक्तीची लावू या दारोदारी

सदोदित जळावी मंदगतीने ती आपल्या हृदयाच्या दारी

एक पणती मी व्यसनमुक्तीची-- !!ध्रु !!

बिघडले जग हे कोण सुधारील?

व्यसनी,निस्तेज असे विचारील

निराशा-अंधार,व्यसन मी दूर करती

एक पणती मी व्यसनमुक्तीची-- !!१!!

चोहिकडून भले येवो व्यसनाधीनतेचा अंधार

तरी माझा नाही धीर सुटणार

संतान सूर्याचे मज म्हणती

एक पणती मी व्यसनमुक्तीची-- !!२!!

तुमच्याने व्यसन सुटेल का?नको अंतरी हा विचार

शक्ती लावेल सारी माझी,व्यसनमुक्त मी करणार

न्यूनगंड,व्यसनाधीन ना कधी मजभवती

एक पणती मी व्यसनमुक्तीची-- !!३!!

सूर्याकडून संदेश सर्वांना मिळतो

मार्गदर्शकाला दाह सतावतो

सूर्याचा संदेश मी,या जगती

एक पणती मी व्यसनमुक्तीची-- !!४!!

प्रबोधनाच्या या साऱ्या दीपोत्सवात

लावा ज्योत या व्यसनमुक्तीची

सामाजिक बांधिलकीच्या जाणिवेतून,समजून घ्या तुम्ही फक्त आणि फक्त 

एक पणती मी व्यसनमुक्तीची-- !!५!!