एक पान आयुष्याचं

एक पान आयुष्याचं

माझ्यासाठी ठेवायचं ।

पानावर तिचे नाव

फक्त आहे लिहायचं ।।

कधी कधी मज वाटे

घ्यावे बोलून एकदा ।

राहायचे तुझ्यासवे

म्हणूनीया प्रिये सदा ।।

तिच्यावर प्रेम माझे

तिचे नव्हे माझ्यावर ।

याचे मज नित्यदिनी

दुःख होते अनावर ।।

गरिबाच्या घरी जन्म

झाला माझा गुन्हा नाही ।

माझ्यासम प्रेमवेडा

आता होणे पुन्हा नाही ।।

नाव तिचे लिहिलेले

पान ठेवतो जपून ।

तिच्या आठवणीमध्ये

जरा पाहतो जगून ।।