देवी काळजी घे

आलं हे कोरोना संकट

होणार नाही ग दर्शन,

केलय बंधन साऱ्या जगा

तुझ्या भेटीला ना येई कोण,

देवी काळजी घे आमुची।।१।।

कोरोना विषाणू जगाला छळी

आली मरणाची ग वेळ,

डोळ्यासमोर जाती आपुले

नाही होत ग शेवटची भेट,

देवी काळजी घे आमुची ।।२।।

घेई हे संकट तूझ्या ग पदरी

रक्षी ग साऱ्या जगाला,

हात जोडूनी विनंती करते 

संभाळ ग तूझ्या लेकरला,

देवी काळजी घे आमुची ।।३।।

कर ग मुक्त मंदिरे सारी

वाजु दे मृदुंग वीणा टाळ,

नाचु खेळू दे तूझ्या अंगणी

घुमू दे तुझा गगनी नाम घोष,

देवी काळजी घे आमुची ।।४।।