लाइब्रेरी
प्रोफाइल
पहावं वाटतंय गं तुला
पहावं वाटतंय गं तुला
अगं ऐक ना
तू जेव्हा हसतेस
खूप छान दिसतेस
पहावं वाटतंय गं तुला
कधी येशील तू
वाट पाहतोय तुझी
त्या वाटेवर जिथं तू अन् मी एक व्हायचो
सारं काही विसरून जायचो
येशील म्हणून आजही वाट पाहतोय
शरीर राहीलं नाही पण
आत्मा अजून आहे तिथेच
कारण वेदना आणि प्रेम
यांनी सोडलंच नाही मला
माझं जाऊ दे तू सुखी आहेस न बस्स...
आपलं काय तेव्हा उनाड होतो
आताही उनाडचं आहे फक्त तू नाहीस
आता फक्त वारा असतो सोबतीला
तो ही तुझी आठवण करून देतो
म्हणून मी पण बोलत नाही त्याच्याशी
माहीत असून ही खेळ करतो माझ्याशी
कारण वेदना आणि प्रेम
यांनी सोडलंच नाही मला
बघ आता खूप दिवस झाले
करमतही नाही एकटं एकटं राहून
तू येण्याची वाट वेडी पाहून
तुझं सोडून जाणं
चटका देऊन गेलं मनाला
म्हणून आतून जळत होतो
सांगितलं नव्हतं मी कधीच कोणाला
कारण वेदना आणि प्रेम
यांनी सोडलंच नाही मला
असू दे बाकी राहू दे बाजूला
मी काय असाच आहे वेडा
तुला आठवलं तर ये
नाहीतर राहू दे उगाच त्रास नको तुला
मन खूप हट्टी आहे ना ऐकतच नाही
काढेल त्याचीही समजूत
फक्त एक कर तो वारा येतो ना
त्याला पाठवून दे
तेव्हडीच सोबत होईल त्याची
आणि हो निरोप पाठव
की प्रेम नाही म्हणून
जिवंत तर नाहीच पण तेव्हडंच
अश्रूंना मोकळीक मिळेल
अजून त्रास सहन करेल तुझ्यासाठी
कारण वेदना आणि प्रेम
यांनी सोडलंच नाही मला
