भेट -6

धीर करून मी रिप्लाय केला आणि .......

दुसऱ्या मिनीटाला फोन खणखणायला सुरुवात झाली .कारणही तसंच होतं . एकदाच भेटलेल्या मुलीला अख्ख्या मेसेजभर Mango ( Mango - i love you ) असा शब्द लिहून तसे 5 मेसेज पाठवल्यावर ती शांत बसेल अशी अपेक्षाच किती हास्यास्पद होती .

मी स्पर्धा सभागृहातून तसाच बाहेर पडलो . कॉलेजबाहेर एका झाडाखाली शांतपणे बसून कॉल रिसीव्ह केला .

' आदित्य , काय आहे हे ?' 

' तू वाचलंस ना ? तेच .'

' अरे पण असं मधेच काय ? आपण नीट बोललो ही नाहीये अजून , एकमेकांना फारसं ओळखतही नाही '

' गेल्या एक महिन्यात तुझी मला झालेली ओळख माझ्यासाठी पुरेशी आहे , अजून काय ओळख व्हायची ?'

पुढची काही शे सेकंद शांततेत गेली .

' एक विचारू ? '

' दोन विचार ,पण बोलत रहा .'

' गप रे , खरं खरं उत्तर देशील ? '

' या बाबतीत मला तुझ्याशी खोटं बोलता ही येणार नाही त्यामुळे बिनधास्त विचार .'

' तुला मीच का आवडले ? '

' तुला classical गाणी का आवडतात ? , तुला शांतता का आवडते ? , तुला फिरायला का आवडतं ? आहेत का तुझ्याकडे उत्तरं याची '?

'काय' ?

' जे विचारलं तेच ' 

' हो आहेत . एका वाक्यात सांगायचं झालं तर त्यातून मला आनंद मिळतो म्हणून ' . 

' अगदी तसंच आहे माझंही ' . जेव्हा जेव्हा तुझा विचार करतो , तुला समोर आणतो, तुझ्याशी बोलत असतो तेव्हा तेव्हा मी आनंदी असतो .'

' हे जरा फिल्मी होतंय असं नाही का वाटते तुला ' ?

' फिल्म आपल्या आयुष्यापेक्षा फार काही वेगळा नसतो गं , उलट जे ख-या आयुष्यात होऊ शकतं अशाच गोष्टी फिल्ममधे दाखवल्या जातात . ' 

' तु आज असं का बोलतोयस '?

' तुला पटत नाहीये का ? ठेवतो मग फोन .'

' तसं नाही रे .... but i was not prepared .. त्यामुळे मला शॉक बसलाय , 

' ohhhh .....'

' बाय द वे मी माझं सौंदर्य तुझ्यासाठी किती मॅटर करतं ? '

' कणभरही नाही .'

' काय ' ?

' हो ..... कणभरही नाही . तू खूप सुंदर आहेस तरीही.... , कारण तुझ्या दिसण्यापेक्षा तुझं असणं आणि तुझ्या असण्यापेक्षा तुझं वागणं मला जास्त आवडलं म्हणून मी तुझ्या प्रेमात पडलो .' 

' ................... ' 

' बोल ना ..'

' मला थोडा वेळ हवाय ....'

' पाहिजे तेवढा घे , फक्त माझा हातून वेळ निघून जाईल एवढा नको ....'

' हम्मम ' ......

' ठेऊ फोन ?'

' थांब ना थोडं , तुला एक सांगायचं आहे .'

'काय ?'

' मी आत्ताच उत्तर देत नाहीये पण तू समोर असतास तर तुला घट्ट मिठी मारायची होती '......

' ........................... ' 

' चल , बोलू मेसेजवर .... ठेवते फोन ' 

' ऐक ....'

'बोल ...' 

' I Love You ' ......

' काळजी घे ... बाय .....'

मी शांत मनाने परत स्पर्धा सभागृहात जाऊन बसलो .

क्रमशः