सलाम (विडंबन )

सलाम 

सबको सलाम 

प्रपोजला हो म्हणणारीला सलाम ,

प्रपोज न करताही हो म्हणणारीला सलाम ,

भावाची भीती घालून पत्ता 

कटवणारीला सलाम ,

आणि हो म्हणून आयत्या वेळी भावाने बघितल्यावर हाच माझ्या मागे लागला होता म्हणणारीला सलाम ,

तिच्या सख्ख्या भावाला सलाम ,

आणि मानलेली बहीण आहे ही माझी असं म्हणून वचपा काढणाऱ्यालाही सलाम .....

सलाम 

सबको सलाम ....

न कळत्या वयात प्रेम करण्याला सलाम ,

शाळेतल्या पहिल्या प्रेमाला सलाम ,

कॉलेजमधल्या पहिल्या क्रशला सलाम ,

तिच्यावरून चिडावणाऱ्या सगळ्या दोस्तांना सलाम ,

तिच्यावर डोळा ठेऊन आपल्याबद्दल तिचे कान भरणाऱ्यालाही सलाम ,

आणि फिरवलंस ना तिला मग दे सोडून विषय असा उपदेश देणाऱ्या मास्तरांनाही सलाम .....

पैसा आहे म्हणून रोज नवी पोरगी फिरावणाऱ्याला सलाम ,

आणि तिकीटाचे पैसे गर्लफ्रेंडवर उडवून विनातिकीट प्रवास करणाऱ्याला सलाम ,

गाडीवर बिनदिक्कत बॉयफ्रेंडला चिकटून बसणारीला सलाम ,

आणि ओळखीचं कोणीतरी बघेल म्हणून त्याच्या गाडीवर कधीही न बसणारीलाही सलाम ,

मित्रांकडे उधारी करून गर्लफ्रेंड ला फिरावणाऱ्याला सलाम ,

मित्राची लाईन क्लीअर व्हावी म्हणून स्वतःचा पॉकेटमनी त्याला 

देणाऱ्याला मित्रालाही सलाम ,

सलाम भावांनो ,

सबको सलाम .....

दिवसभर भांडून रात्री गुलुगुलु करणार्यांना सलाम ,

आणि एक दिवस भांडले म्हणून महिनाभर एकमेकांशी न बोलणाऱ्यांनाही सलाम ,

सारखा संशय घेणाऱ्या प्रियकर प्रेयसी ला सलाम ,

आणि ती कुठेही असली तरी माझ्याशिवाय ती कोणाचाच विचार करणार नाही या विश्वासालाही सलाम ,

गर्लफ्रेंडवर हात उचलणाऱ्याला सलाम ,

त्याचा मार निमूटपणे खाणारीला सलाम ,

सलाम भावांनो आणि मैत्रिणींनो

सबको सलाम .....

लग्नाआधी काही नाही हं असं म्हणणारीला सलाम ,

लग्नाचं नंतर बघू , आत्ता करू ना असं म्हणणा-याला सलाम ,

ती माझ्याशी तसं वागली म्हणून मी पण तसंच वागणार असं म्हणणा-याला सलाम ,

तिच्यासाठी नस कापून घेणा-यालाही सलाम ,

सलाम भावांनो आणि मैत्रिणींनो 

सबको सलाम

तू नही तो और सही म्हणणाऱ्यांना सलाम ,

उसके सिवा और कोई नही असं

म्हणणाऱ्यांना सलाम ,

तिच्या प्रेमात खंबा रिचवणाऱ्यांना सलाम ,

तिच्यासाठी मित्रांच्या शिव्या खाऊनही दारू न पिणार्यांना सलाम ,

प्रेमापेक्षा करियरकडे आधी बघ असा सल्ला देणाऱ्या पालकांना सलाम ,

नोकरी आणि छोकरी एकत्र 

मिळवणाऱ्यांना सलाम ....

प्रेम करणाऱयांना सलाम

प्रेम न करणाऱ्यांना सलाम 

सलाम भावांनो आणि बहिणींनो 

सबको सलाम ....

© आदित्य शेखर कुलकर्णी ....