भावनेचा आकार

दे, मनातल्या शब्दांना भावनेचा आकार..!

  

तुझ्याशी बोलून करते मी साकार ,

माझ्या या शब्दांना देऊ नको नकार , 

तुझ्यातल्या प्रेमाला दिला मी होकार ,

वसंत ऋतूतर प्रेमाला येतो बहार... !!१!!

दे, मनातल्या शब्दांना भावनेचा आकार..!

लेखणीने लिहून करते मी साकार, 

न वाचून शब्दांना देऊ नको नकार , 

खरोखरच्या बंधनाचा हा आहे होकार , 

स्वतःतल्या जाणिवेचा ओळख बहार... !!२!!

दे, मनातल्या शब्दांना भावनेचा आकार..!

मनोमनी करते हृदयात साकार ,

माझ्याप्रती नाही तुला हा नकार , 

डोक्यातील भाव जाण मी समजेल तुझा होकार ,

स्वतःला फुलवून दे जगाला बहार... !!३!!

दे, मनातल्या शब्दांना भावनेचा आकार..!