अश्रू

डोळे मिटून पाहताना

अश्रू अनावर झाला

सोहळा सजला होता नात्याचा

एकमेकाच्या आपुलकीचा !

जूळल्या होत्या रेशीम गाठी

शुभ योग आला होता दारी

सनई चा नाद गुंजला चारदोही

सजला साज मुख नयनी !

शुभ मंगल सावधान

अक्षता चा झाला वर्षाव

मनोमिलन हे प्रेम बंधनाचे

नाते जुळले जन्मोजन्मीचे !

लाभलेले आयुष्य करावे सुंदर

सुख पाहताना डोळेभरून

आनंद पण हरला होता

कारण अश्रू हसत हसत जिकला होता !