अनोळख्या वाटेवर

अनोळख्या वाटेवर भेटती ओळखीचे दुवे 

पाऊलखुणा बघ सांधती ही तुटलेले गावे 

अशाच एका वळणावरती भेटशील परतुनी

ओळखतील नक्षत्रराशी तुलामला कथेतुनी

अनोळख्या वाटेवर भेटती ओळखीचे दुवे 

आठवणी जगतील गळती कणभर आसवे 

नजरेत प्रश्न पुसतील खुण पटली की नाही 

नाकारेल अबोल होकार ओठावर येऊनही 

अनोळख्या वाटेवर भेटती ओळखीचे दुवे 

क्षण धुक्यातले गाव ते मनभरूनी साठवे 

दुव्यातील ओळखीचे प्राण ओंजळीत भरूनी

पाझारतील तेच झरे मनी गोठले होते कुठुनी 

अनोळख्या वाटेवर भेटती ओळखीचे दुवे 

क्षणभराचा शिडकावा सुखाचा भावनासवे... 

मन ओंजळीत घेते आजची आठव साठवूनी 

जुन्या आठवणीची होते नवी कहाणी परतुनी 

अनोळख्या वाटेवर भेटती ओळखीचे दुवे 

पाऊलखुणा पुसट होते कथा परतुनी आठवे