अहंकार
अहंकार
कसला वाटतो एवढा अहंकार
हेच का आपले संस्कार
सत्ता, पैसा सारे नाशवंत
वाटे अप्रूप ह्याची खंत
रंग रूपाचा नको गर्व
नाही टिकत शेवटी सर्व
माझ्यामुळे सर्वांचे खूप अडते
भ्रम सोडा कसे नडते
समजे स्वतःस नेहमी सर्वेसर्वा
करत नाही इतरांची पर्वा
घ्या जीवनात थोडी माघार
मिटवा हा अहंकाररूपी अंधार
अहंकार एक वाईट विकृती
बदलून जाई चांगली नीती
स्वार्थ अन् मोठेपणा सोडा
नात्यांमध्ये होई मोठा राडा
शून्यातून विश्व उभारण्यात आयुष्य जाते
अहंकाराने क्षणातच कवडीमोल होते
अहंकाराने व्यक्ती स्वभोवती फिरतो
दुसऱ्यांना तुच्छ लेखत राहतो
अहंकारी व्यक्तीजवळ नसे विनम्रता
विसरूनी जाई नात्यांतील ममता