अधुरी प्रेम कहाणी

स्वप्न पाहिले जे मिळुन ,

तु उभा मंडपी मुंडावळ्या बांधुन ,

लाजत येईल मी ,

स्वागतार्थ राहील फुलपाकळ्यां पसरवून,

भेटता नजर आपली ,

मी भिजेल प्रेमात लाजुन ,

देशील हात मजला तु ,

अंतरपाठ येईल मध्ये ,

दोघेही जाऊ आनंदून ,

जाग आली मला ,

तुटली स्वप्नकळा ,

अश्रु आले वाट्याला ,

जीव जडला होता तुझ्यावर,

आज तुकडे विखरले मना,

सांग जाऊ कुठे ,

न्याय मागु कुठे,

वाट का ? हरवली ,

स्वप्न का ? भंगली,

मी पुर्ती दुभंगली ,

अभंग होती प्रेमवाणी ,

अधूरी प्रेम कहाणी ...

अधूरी प्रेम कहाणी...