आई

मांगल्याचे रूप तू ,

दरवळणारा धूप तू ...

आसमंत उजळविणारा ,

लखलखणारा दीप तू ...

आयुष्याचा ध्यास तू ,

सुखाची बरसात तू ...

अंतरंगी उमलणा- या ,

बकुळीचा सुवास तू ...

माहेराची गाणी तू ,

दाटल्या डोळ्यांतील पाणी तू ...

मुक्यालाही बोलते करणारी ,

अमृताची  मधूर वाणी तू ...

हॄदयीचा हुंकार तू ,

गूढ मनीचा झंकार तू ...

आर्त ओल्या जखमांवरील ,

अलवार हळवी फुंकर तू ...

प्रेमफुलांची आरास तू ,

काळजाचा श्वास तू ...

मंदिरात तेवणा-या ,

मंद समईचा प्रकाश तू ...

दुःखातील आधार तू ,

ईश्वराचा अवतार तू ...

मायेचा अन् वात्सल्याचा ,

आहेस अनमोल अलंकार तू ...