Library
आई
आई
आई, आई किती हाक मारु ग तुला
ओ देना ग माझ्या हाकेला
का ग अशी निष्प्राण पडलीस तू?
आई आई किती हाक मारु ग तुला.
केला ग त्या राक्षसाने घात.
विध्वंस मांडला ग जगात.
ओ देना ग माझ्या हाकेला.
आई आई किती हाक मारु ग तुला.
ह्यांचा यद्धात झालो ग मी परका
कोण आपल काही कळेना
साद घालु कुणाला.
ओ देना ग माझ्या हाकेला.
आई आई किती हाक मारु ग तुला.
बाबाही काही बोलत नाही...
का ग ते आज ओरडत नाही मला?
का ग घेत नाही जवळ मला?
ओ देना ग माझ्या हाकेला.
आई, आई किती हाक मारु ग तुला.
बाबा उठत का नाही ग?
सगळीकडे... असे का पडलेत लोक?
सांग ना ग...
ओ देना ग माझ्या हाकेला..
आई आई किती हाक मारु ग तुला.
नको ग माझी अशी परीक्षा पाहू
मी झालो का ग परका तुमच्या स्पर्शाला.
घात झालाय ग आधीच माझा.
अजून तू नको ग तरसवू तुझ्या स्पर्शाला.
ओ देना ग माझ्या हाकेला.
थकला ग तुझा छकुला.
आता तरी ओ दे ग
ओ देना ग माझ्या हाकेला
आतातरी ओ दे ग!
