आई

*जन्म दिला मातेने*

*रक्षण केले पित्याने*

*करू कशी उतराई*

*कोणत्या करणीने*

*घडविण्या मजला*

*घेतले कष्ट अपार*

*जगी या निरंतर*

*राहील टिकून संस्कार*

*पाजले बाळकडू असे*

*करूनी नैतिक संस्कार*

*लढण्या प्रत्येक संकटी*

*केले मज तयार*

*जपूनी तळहातावरील फोडाप्रमाणे*

*दिले प्रेम, सहानुभूति अन माया*

*एक मागणे परमेश्वरा*

*कधीही दूर न होवो जन्मदात्यांची छाया*

*शिकवूनी कार्यतत्परता*

*रूजविली समयसूचकता*

*नसावा मनी धर्मभेद कधी*

*असावी कायम मानवाप्रती एकता*

*हेच मागणं देवा तुला*

*आशीर्वच हाच द्यावा*

*प्रत्येक जन्मी मला ह्याच*

*मातेच्या पोटी जन्म मिळावा*