आई प्रेमरूपी झरा

आई प्रेमाचा ओलावा

आई संस्कारांचा ठेवा

आई क्षमेची मूर्ती

आई गरजेची पूर्ती

आई एक उदाहरण

आई मनन, चिंतन

आई वात्सल्याचा सागर

आई भावनांची झालर

आई स्वप्नपूर्तीचे पर

आई सदैव तत्पर

आई ज्ञानाचे भांडार

आई मायेचा पाझर

आई उपदेशाचे बोल

आई व्यक्ती अनमोल

आईची प्रचंड सहनशिलता

आईची वाखाणण्याजोगी कुशलता

आई अंगाई गाई

बाळाला निद्रा येई

आई स्त्रीशक्तीचं रूप

काळजी करते खूप

आईच्या श्वासात मूल

बाळाच्या सुखाची चाहूल

आईचा चेहरा तृप्त

गुण अंगी सुप्त

आई जाणी भाव

नसे मनी हाव

आई चुकांवरील पांघरूण

कसे फेडू ऋण