आई हाक गगनात

आई हाक गगनातं 

सगळ्यांच्या स्मरणात 

 हृदय जपता प्रेमात 

पुन्हा नव्या अस्तित्वात

क्षण जाता निसटून 

लेक धन परक्यात  

लावी जीव मायबाप

ठेचं लागे काळजात 

काळजातं दडी माया 

सासू असो वा सून 

घेते सारे सांभाळून

घर राहते टिकून 

धागा गुंफता मनातं  

जीव सांभाळी दोघांत 

होतो नव जन्म तिचा 

पुन्हा नव्या अस्तित्वात 

आई मातृत्वाची शान 

 करू नका अपमान 

 यातना किती अपार 

जपा तिचा स्वाभिमान 

आई सरस्वती, लक्ष्मी 

दुर्गामाता, आदिशक्ती 

सीता, द्रौपदी, गांधारी 

जगी सूत्र नारीशक्ती 

आई, पत्नी, लेक, सून 

सासू, बहीण, मैत्रीण 

जन्म तिचा स्त्रीतून

जपू या नात्याची वीण