आभास तुझा......
आभास तुझा......
आभास तुझा होताच आज
स्मृतींचे चाळवून जाणे,
नसता जवळ तुझ्या परी
आठवणीत माझे हरवणे !
येऊन स्वप्नात रोज माझ्या
ते हळूवर स्पर्शून जाणे,
रुंजी घालणाऱ्या सुरांचे
कानावर मधुर ते पाघरणे !
ओलसर कुंतलातून गंधीत
मोगऱ्याचे सुद्धा विखुरणे,
उशीवर ठेऊन हाताच्या डोके
मिठीत हलकेच ते विरघळणे !
काळवेळ स्तब्ध होऊन सारी
वाऱ्याचे मखमली विहरणे,
थंडीत गोड पहाटे गुलाबी
मोरपंखी ते शहारून येणे !