MALEY (action thriller 3/4 )

MALEY (action thriller 3/4 )
Screenplay by Hibon Chacko
©copyright protected
അങ്ങനെതന്നെ പാതി, ഇടത്തൂടെ പിന്നോട്ട് തിരിഞ്ഞു നോക്കിനിൽക്കെ അടുത്തനിമിഷം യുവാവ് പെട്ടെന്ന് ഇടത്ത് കാണുന്ന ഒരു പറമ്പിലേക്ക് ഓടി കയറി ഒരിടത്ത് ഒളിച്ചിരിക്കുന്നു, റോഡിലേക്ക് നോക്കിയാണ് ഇരിപ്പ്.
അടുത്തനിമിഷം സ്കൂട്ടറുകാരൻ പതിവുപോലെ സാവധാനം അതുവഴി കടന്നുപോകുന്നു.
കുറച്ചു നിമിഷങ്ങൾ അങ്ങനെതന്നെയിരുന്നശേഷം സ്കൂട്ടർ അല്പം മുന്നിലേക്ക് പൊയ്ക്കഴിഞ്ഞെന്ന് ഉറപ്പായപ്പോൾ യുവാവ് പെടുന്നനെയെഴുന്നേറ്റ് റോഡിലേക്ക് ചാടിയിറങ്ങി സ്കൂട്ടറിനെ പിന്തുടരുംവിധം ഓടി പോകുന്നു.
56.long shot/high angle/side
Cut to:
Scene 9A
Ext. വലത്തേക്ക് നടപ്പാതയുള്ള കലുങ്ക്. Day 8am
ഒരു കലുങ്കിനടുത്ത് ഇടതുഭാഗത്തായി സ്കൂട്ടർ പാർക്ക് ചെയ്തിരിക്കുന്നിടത്തേക്ക് വേഗത്തിൽ ഓടിയെത്തുകയാണ് യുവാവ്.
സ്കൂട്ടർ ശ്രദ്ദിച്ച് ഓട്ടം തീരെ മെല്ലെയാക്കി തക്കുംപൊക്കും നോക്കി സ്കൂട്ടറിന് അടുത്തെത്തുമ്പോൾ വലത്തേക്ക് ഒരുനിമിഷം കൂടുതൽ ശ്രദ്ദിച്ചുപോകുന്നു.
 ചെറുതായിട്ട് ചുണ്ടുകളൊന്ന് തുറന്നുപോയവിധം, വലത്തേക്ക് നോക്കിത്തന്നെ മുണ്ടിന്റെ മടക്കൊന്നഴിച്ച് മുറുക്കി ഉടുത്ത്, വലതു വശത്തേക്ക് പോകുന്നു ഇറങ്ങി.
57.long shot
അല്പം മുന്നിലായി തുറസ്സായ നടപ്പാതയിലൂടെ പോകുന്ന സ്കൂട്ടരുകാരൻ മധ്യവയസ്കനെ പിന്തുടരുകയാണ് മെല്ലെ യുവാവ്.
58.long shot/high angle/back
മധ്യവയസ്കൻ നടപ്പാതയിലൂടെ മുന്നോട്ട് നടന്നുകൊണ്ടിരിക്കുകയാണ് -കാലുകൾ, പിന്നിലൂടെ യുവാവ് പിന്തുടരുന്നത് കാണാം (അകലെ പിന്നിലായി കലുങ്കും സ്കൂട്ടറും ).
 രണ്ടുമൂന്നുനിമിഷങ്ങൾ അങ്ങനെ മുന്നോട്ട് പോകുമ്പോഴേക്കും പിന്നിലാരെയോ കുറച്ചായി ശ്രദ്ദിക്കുന്നെന്നവിധം മധ്യവയസ്കൻ നിൽക്കുന്നു പെട്ടെന്ന്.
ഇയാൾ നിന്നതുകണ്ട് പെട്ടെന്ന് യുവാവും നിന്നുപോകുന്നു -കുറച്ചു മുന്നിലേക്ക് വന്നും മധ്യവയസ്കനെ നോക്കിയും, യുവാവ് ഗൗരവത്തിലാണ്.
59.medium shot/tracking /tilt
മധ്യവയസ്കൻ :
(തന്റെ ഇടതുവശത്തുകൂടി പാതി തിരിഞ്ഞുനിന്നശേഷം യുവാവിനോടായി, ദേഷ്യത്തോടെ അല്പം ഉച്ചത്തിൽ )
“എന്താടാ എന്റെ പിന്നാലെ വരുന്നത്?”
60.medium shot/back
യുവാവ് :
(ഗൗരവത്തിൽ, അല്പം ഉച്ചത്തിൽ )
“അതാ എനിക്കും ചോദിക്കാനുള്ളത്…”
61.medium shot
മധ്യവയസ്കൻ :
(ദേഷ്യംവിടാതെ ഉച്ചത്തിൽ, എന്നാൽ ഉറച്ച് )
“അതുശരി! ഇപ്പോൾ നീയല്ലേ എന്റെ പിറകേ വന്നത്…
പോടാ…”
(അവസാനവാക്കിൽ ഒരു ഭീഷണിയുടെ ലക്ഷണം കാണാം )
62.close up
യുവാവ് എന്തോ മനസ്സിലാക്കിയപടി നെറ്റിചുളിക്കുന്നു.
‘സോറി’ എന്ന അർത്ഥത്തിൽ വലതുകൈയ്യുയർത്തി ആംഗ്യം കാണിച്ചശേഷം തന്റെ ഇടതുവശത്തുകൂടി യുവാവ് തിരിഞ്ഞു നടക്കുന്നു.
63.medium shot
മധ്യവയസ്കൻ മുന്നോട്ട് നടക്കുന്നു, യുവാവ് പിന്നോട്ടും -ഇരുവരും എതിർ ദിശയിലേക്ക് പോവുകയാണ്. യുവാവിന് മുന്നിലായി കലുങ്കും സ്കൂട്ടറും കാണാം.
64.long shot/side
Cut to:
Scene 9B
Ext. ടാർ ചെയ്ത ഒഴിഞ്ഞ ഇടവഴി. Day 8am
സ്കൂട്ടറിനും കലുങ്കിനും അടുത്തുനിന്നും മുന്നോട്ടു നടന്നെന്നവിധം, യുവാവ് പണിക്ക് പോവുകയാണ്, ഒഴിഞ്ഞ ഒരിടത്തുകൂടി.
പെട്ടെന്ന് പിന്നിൽ നിന്നും രണ്ടുപേർ വേഗത്തിൽ പിന്തുടർന്നെത്തുകയാണ്, ഉദ്ദേശം പിന്നിലെത്തുന്നു.
65.long shot/side
യുവാവ് പിന്നിലേക്ക് തിരിയുന്നതും, പെടുന്നനെ അപ്പോഴത്തെ പിന്നിലൂടെ രണ്ടുപേർ എത്തി യുവാവിന്റെ കൈകൾ പിന്നിലേക്ക് പിടിച്ചുവെച്ച് ഒരാൾ, മറ്റെയാൾ കണ്ണുകൾ പൊത്തി പിടിക്കുന്നു -യുവാവിനെ നിശ്ചലനാക്കുന്നു.
യുവാവ് കുതറുവാൻ ശ്രമിക്കുമ്പോഴേക്കും അപ്പോഴത്തെ മുന്നിലെ രണ്ടുപേർ വേഗം ഒരുവിധം യുവാവിന്റെ മുണ്ടുരിഞ്ഞു എടുക്കുന്നു.
ശേഷം അതുമായി ഇരുവരും വന്നവഴി ഓടുവാൻ ശ്രമിച്ചനിമിഷം ഒന്നുനിന്ന് പരസ്പരം നോക്കുന്നു, ശേഷം പിന്നിലെ രംഗവും -യുവാവ് കുതറുവാൻ ശ്രമിക്കുകയാണ്.
66.close up/tracking /medium shot
രണ്ടുപേർ പിന്നിൽനിന്നും പിടിച്ചുനിർത്തിയിരിക്കുന്നതിൽനിന്നും കുതറി രക്ഷപെടുവാൻ യുവാവ് പരമാവധി ശ്രമിക്കുകയാണ്.
ഓടാൻ തുടങ്ങിയ രണ്ടുപേർ ഈ രംഗം നോക്കി നിൽക്കെ ഒരുവൻ മറ്റവന്റെ മുഖത്തേക്കും അവന്റെ കൈയ്യിലേ മുണ്ടിലേക്കും നോക്കുന്നു.
കാര്യം മനസ്സിലായ മുണ്ട് പിടിച്ചിരിക്കുന്നവൻ മുന്നോട്ട് എത്തുന്നു, മറ്റവൻ ഒപ്പവും -മുണ്ട് കൈയ്യിലില്ലാത്തവൻ ‘OK’ എന്ന ആംഗ്യം മുഖഭാവത്തിൽ യുവാവിനെ പിടിച്ചുനിൽക്കുന്നവരോട് കാണിക്കുന്നു.
67.medium shot/back
യുവാവിന്റെ കൈകൾ പിന്നിലേക്ക് പിടിച്ചിരിക്കുന്നവൻ, യുവാവിനെ കുതികാൽ വെട്ടി റോഡിലേക്ക് കമിഴ്ത്തി വീഴ്ത്തുവാൻ ശ്രമിക്കുന്നു -കണ്ണുപൊത്തി പിടിച്ചിരിക്കുന്നവന്റെ കൂടി സഹായത്തോടെ അത് സാധ്യമാകുന്നു, കണ്ണുകൾ പൊത്തി യുവാവിന്റെ മേൽഭാഗം ഒരുവൻ റോഡിൽ അമർത്തിപ്പിടിച്ചിരിക്കുന്നുവെങ്കിൽ കൈകളും അടിഭാഗവും മറ്റേവനാണ് അതേപടി കൈകാര്യം ചെയ്തിരിക്കുന്നത്.
 കക്ഷത്തിൽ കൂട് മടങ്ങി ഇരിക്കുന്നുണ്ട് യുവാവിന്റെ. മറ്റ് രണ്ടാളിൽ മുണ്ട് പിടിച്ചിരിക്കുന്നവൻ അതുപയോഗിച്ച് മറ്റ് മൂവരുടെയും സഹായത്തോടെയെന്നവിധം യുവാവിന്റെ കൈകൾ മുറുക്കി പിന്നിലേക്ക് കെട്ടുന്നു. യുവാവ് ചെറിയ ശബ്ദമുണ്ടാക്കി കുതറുവാൻ ശ്രമിച്ചുകൊണ്ടിരിക്കുന്നുണ്ട്.
അടുത്തനിമിഷം മുന്നിലുള്ള ഇരുവരും മുഖമുയർത്തി മറ്റ് രണ്ടാളുകളെയും നോക്കുമ്പോൾ മുൻപ് കൈകളെ കൈകാര്യം ചെയ്തിരുന്നവൻ സ്വന്തം മുണ്ടൂരി ചുരുട്ടി യുവാവിന്റെ തലമുഴുവൻ മൂടി ഇറുക്കി കെട്ടുന്നു -കൂട്ടായ സഹകരണത്തോടെ.
നിസ്സഹായനായവിധം കമിഴ്ന്ന് റോഡിൽ കിടക്കുന്ന യുവാവിനടുത്തുനിന്നും നാലുപേരും ഒന്ന്‌ ദീർഘനിശ്വാസം വിട്ടവിധം എഴുന്നേൽക്കുന്നു.
യുവാവ് തിരിയുവാൻ ശ്രമം തുടങ്ങുമ്പോൾ കണ്ണുകൾ പൊത്തിയിരുന്നവൻ കക്ഷത്തിൽ നിന്നും യുവാവിന്റെ കൂട് ഊരിയെടുക്കുന്നു കുനിഞ്ഞ്. ശേഷം ഇരുകൂട്ടരും പരസ്പരമൊന്ന് നോക്കി ഉറപ്പിക്കുന്നു.
68.long shot/low angle
യുവാവ് അങ്ങനെ കിടക്കെ രണ്ടുപേർ പിന്നിലേക്കും രണ്ടുപേർ മുന്നിലേക്കും ഓടി രക്ഷപെടുവാൻ ശ്രമിക്കുന്നു (കലർന്നും രക്ഷപെടാം ).
കൂട് എടുത്തവൻ അത് അവിടെ റോഡിൽ എറിഞ്ഞിട്ടാണ് ഓടുന്നത്. നാലുപേരും രണ്ടുവശത്തേക്കായി ഓടി മറയുന്നു.
69.long shot/side
യുവാവ് ഒരുവിധം മലർന്ന് കിടന്നുപോവുകയാണ്. ശ്വാസം കാര്യമായി വലിക്കുന്നുണ്ട്, ചെറിയ ശബ്ദമുണ്ടാക്കുന്നതിനൊപ്പം.
ശേഷം അപ്പുറത്തേക്ക് മറിഞ്‌ വശംചേർന്ന് കിടന്നുപോവുകയാണ് ഇതേപടി.
മുന്നിൽ ഇടത്തായി കൂട് തുറന്നവിധം റോഡിൽ കിടക്കുകയാണ് -അതിൽ നിന്നും ഒരു മടക്കിയ മുണ്ട് പുറത്തേക്കായി കിടക്കുന്നുണ്ടായിരുന്നു.
70.medium shot/tracking /low angle
Cut.
Scene 10
Ext. ഉള്ളേരിയയിലെ ഒതുങ്ങിയ ഇടം. Night 8pm
ഉള്ളേരിയയിലെ ഒരു ഒതുങ്ങിയ എന്നാൽ വീടുകളാലും മറ്റും ചുറ്റപ്പെട്ട ഒരിടത്ത് അല്പം ഉയർന്ന സ്ഥലത്ത് ഇരിക്കുകയാണ് ഒരു യുവാവ്- പാന്റും ഷർട്ടും വേഷം, മുഖമാകെ ഗൗരവത്തിലാണ്, മൊത്തത്തിൽ അല്പം കുനിഞ്ഞ് ഇരുകൈകളും ഇരുവശത്തേക്കും അകത്തി പിടിപ്പിച്ചാണ് ഇരിപ്പ്.
ചുറ്റും ഈരണ്ടുപേർ വീതം നിൽക്കുന്നുണ്ട് -മുണ്ട് പലപ്പോഴും പറിച്ചവരിൽ ചിലർ. രംഗത്ത് വെളിച്ചമുണ്ട്.
71.close up/tracking /long shot
യുവാവിന്റെ ഇടത്തേ ഒന്നാമൻ:
(ആവേശത്തോടെ, രണ്ടാമനൊപ്പമെന്നവിധം)
“ഈ ഒരു മാസം അവൻ കിടന്നുറങ്ങിക്കാണത്തില്ല.”
(രണ്ടാമൻ മന്ദഹസിക്കുന്നു ഒപ്പം)
72.medium shot
യുവാവിന്റെ വലത്തേ ഒന്നാമൻ:
(അഹങ്കാരത്തോടെ)
“ഒരുമാസം ഇവിടുന്ന് മാറിനിന്നതിന്റെ എല്ലാം തീർത്തിട്ടുണ്ട്.”
73.close up
യുവാവ്:
(പഴയതുപോലെ ഇരിക്കെ, വിസമ്മത പ്രകാരം തലയാട്ടിയശേഷം)
“ഒന്നും തീർന്നിട്ടില്ല. അവനിട്ടു രണ്ടെണ്ണം പൊട്ടിക്കണം.”
74.medium shot
യുവാവിന്റെ വലത്തേ രണ്ടാമൻ:
(നിശ്ചയദാർഢ്യത്തോടെ)
“ഞങ്ങള് പൊട്ടിക്കാം പരസ്യമായിട്ട്.
വെറുതെ കണ്ടോണ്ട് നിന്നാൽ മതി മച്ചാൻ.”
(ഒന്നാമൻ ഒപ്പമെന്നവിധം തലയാട്ടുന്നു)
75.medium shot
യുവാവ്:
(ഗൗരവത്തിൽ നിശ്ചയദാർഢ്യത്തോടെ മുന്നോട്ട് നോക്കി)
“അവൻ കാരണം ഞാൻ നാണം കെട്ടു. ഒരു മാസമെങ്കിൽ ഒരു മാസം,
നാണംകെട്ട് ഞാനിവിടുന്ന് മാറിനിൽക്കേണ്ടി വന്നു…”
76.close up
യുവാവിന്റെ വലത്തേ രണ്ടാമൻ:
(കൂട്ടിച്ചേർക്കുംവിധം)
“ഒരുമാസം കഴിഞ്ഞിട്ടും മച്ചാന്റെ കലി അടങ്ങിയില്ലേ!”
വലത്തേ ഒന്നാമൻ:
(മന്ദഹാസത്തോടെ)
“പറിച്ച മുണ്ടെല്ലാം മടക്കി വെച്ചിട്ടുണ്ട്…
മച്ചാന് കൈക്കല പിടിക്കാൻ.”
77.medium shot
യുവാവ്:
(പഴയപടി മുന്നോട്ട് നോക്കിത്തന്നെ)
“ഇവിടെ നാണക്കേട് ഇനിയും മാറിയിട്ടില്ല.
എനിക്കീ നാട്ടിൽ തലയുയർത്തി നടക്കണേൽ,
മിനിമം അവനിട്ട് രണ്ടെണ്ണം പൊട്ടിച്ചിട്ട് വേണം!”
(ഇരുവശത്തുനിന്നും ഈരണ്ടുപേർ ഗൗരവത്തോടെ ശ്രവിച്ച് നിൽക്കുകയാണ്)
78.medium shot/back
യുവാവ്:
(തുടർച്ചയെന്നവിധം)
“ഒരു മാസമെങ്കിൽ ഒരു മാസം…
അവനെ കിടത്തണം എനിക്ക്…!”
79.close up
യുവാവിന്റെ വലത്തേ ഒന്നാമൻ:
(കൂടെ നിൽക്കുംവിധം)
“മച്ചാൻ ബേജാറാകേണ്ട, നമുക്ക് സെറ്റാക്കാം.”
80.close up
ഇടത്തേ രണ്ടാമൻ:
(കൂട്ടിച്ചേർക്കുംവിധം)
“അവന്മാര് ഇപ്പോൾ ഇങ്ങോട്ടെത്തും…
നമുക്ക് പ്ലാൻ ചെയ്യാം!”
81.close up
യുവാവ് ഇരുന്നിടത്തുനിന്നും ഇറങ്ങി നാലുപേരുടെയും ഇടയിലൂടെ മുന്നോട്ട് വന്ന് രൗദ്രഭാവത്തോടെ മുന്നോട്ടുതന്നെ നോക്കിനിൽക്കുകയാണ്-എന്തൊക്കെയോ ചിന്തിച്ചുറപ്പിക്കുംവിധം.
82.long shot
Cut.
Scene 11
Ext. ഉള്ളേരിയയിലെ വീട്. Night 8pm
സ്വന്തം വീടിന്റെ വരാന്തയിൽ തന്റെ ഇടതുവശം കാങ്കേ, തന്റെ മുന്നോട്ടു നോക്കി ഇരിക്കുകയാണ് യുവാവ് -മുണ്ട് ഉടുത്തിരിക്കുന്നത് മടക്കി കുത്തിയിട്ടില്ല, വിഷമം -നിശ്ചയദാർഢ്യം -ദേഷ്യം എന്നിവ കൂടിച്ചേർന്നൊരു ഭാവമാണ്, വലതുകൈയ്യിൽ മുതിർന്നയാളുടെ ചരട് കാണാം, വരാന്തയിൽ ഒരു വെളിച്ചം കാണാനുണ്ട്.
83.long shot/low angle/tracking /side
(വിഷമവും നിശ്ചയദാർഢ്യവും ദേഷ്യവും കലർന്ന യുവാവിന്റെ മുഖം, പഴയപടി തുടർന്നിരിക്കെ )
മുതിർന്നയാൾ :
(V. O., പകൽ മറ്റേതോ സ്ഥലത്തുവെച്ചു യുവാവിനോടെന്നവിധം )
“ഇതെന്താണെന്ന് ഒരെത്തും പിടിയും കിട്ടുന്നില്ലല്ലോ…”
“നീയൊരു കാര്യം ചെയ്യ്‌, പാന്റിട്ടോണ്ട് പോയി തുടങ്ങി നോക്ക്…”
“പലരും പറഞ്ഞുതുടങ്ങി, നിന്നെ പലയിടത്തും തുണിയില്ലാതെ കണ്ടെന്ന്…”
“ഞാൻ അന്വേഷിച്ചല്ലോ…നിന്റെ കൂടെ വന്നും നോക്കിയല്ലോ,
പക്ഷെ എന്ത്‌ പ്രയോജനം…”
84.close up/high angle
Cut to:
Scene 11A
(ഇതേ സാഹചര്യത്തിൽ വീടിന്റെ വരാന്തയിൽ കാലുകൾ മടക്കിവെച്ച്, ഇടതുവശം കാങ്കേ, കൈകൾ മടക്കി കാൽമുട്ടുകൾ കൂട്ടിപ്പിടിച്ച് അല്പം താഴേക്ക് നോക്കിയിരിക്കുകയാണ് യുവാവ് -മുണ്ട് ഉരിയപ്പെട്ടിരിക്കുന്നു. വെളിച്ചം മുൻപത്തെ അത്രയും ഇല്ല മൊത്തത്തിൽ, കൈയ്യിൽ ചരട് ഉണ്ട് )
യുവാവ് :
(V. O., മുതിർന്നയാളോട് പറയുന്ന മറുപടിയെന്നവിധം )
“ചേട്ടായീ, എനിക്കിതൊക്കെ പറയാനും തിരിച്ച് ഉപദേശം തരാനും
വേറെ ആരുമില്ല ഇവിടെ…”
“ഞാൻ പ്രത്യേകിച്ച് ആരോടും ഒന്നിനും പോയിട്ടില്ല,
ഇങ്ങനൊക്കെ ആരെങ്കിലും എന്നോട് ചെയ്യാനായിട്ട്…”
“ഒരു മാസമായി ഉറങ്ങിയിട്ട്, സ്വസ്ഥതയില്ല…”
“നാട്ടുകാരിൽ ചിലരുടെ നോട്ടവും പറച്ചിലുമൊക്കെ…
എല്ലാവരും അറിഞ്ഞമട്ടുണ്ട്, എല്ലാവഴിയും പയറ്റി…രക്ഷയില്ല…”
85.long shot/tracking/side
ഇതേപടി തുടർന്നിരിക്കുന്ന യുവാവ്.
86.close up/high angle
Cut.
Scene 12
Ext. തുറസ്സായ പ്രദേശത്തുള്ള വിജനമായ റോഡ്. Day 8am
യുവാവ് രാവിലെ പതിവുപോലെ പണിക്ക് പോകുന്ന വഴിയാണ്-പതിവ് വേഷം (വലതുകൈയ്യിൽ ചരട് കാണാനില്ല), ചെറിയൊരു ഭാവവ്യത്യാസം ഉണ്ട് മൊത്തത്തിൽ.
(പിന്നിലെ മധ്യഭാഗമാണ് കാണാനാകുന്നത്)
87.medium shot/back/tracking
അല്പം മുഖമുയർത്തിപ്പിടിച്ച്, ഒരുറച്ച ഭാവം മുഖത്ത് പേറി, ഒരിരുത്തം വന്ന, സാവധാനമുള്ള നടത്തമാണ് യുവാവിന്.
മുന്നോട്ട് നടന്നുകൊണ്ടിരിക്കുമ്പോൾ പിന്നിൽ ആരൊക്കെയോ പതിവുപോലെ പിന്തുടരുന്നതായി തോന്നുന്നു യുവാവിന്.
ഒരുനിമിഷം അതേ ഭാവത്തിൽ നിന്നശേഷം വീണ്ടും മുന്നോട്ട് അതേപടി നടക്കുന്നു.
88.medium shot/tracking
Cut to:
(തുടരും...)