MALEY (action thriller 4/4 )

MALEY (action thriller 4/4 )
Screenplay by Hibon Chacko
©copyright protected
അല്പം മുഖമുയർത്തിപ്പിടിച്ച്, ഒരുറച്ച ഭാവം മുഖത്ത് പേറി, ഒരിരുത്തം വന്ന, സാവധാനമുള്ള നടത്തമാണ് യുവാവിന്.
മുന്നോട്ട് നടന്നുകൊണ്ടിരിക്കുമ്പോൾ പിന്നിൽ ആരൊക്കെയോ പതിവുപോലെ പിന്തുടരുന്നതായി തോന്നുന്നു യുവാവിന്.
ഒരുനിമിഷം അതേ ഭാവത്തിൽ നിന്നശേഷം വീണ്ടും മുന്നോട്ട് അതേപടി നടക്കുന്നു.
88.medium shot/tracking
Cut to:
Scene 12A
ആ റോഡിലേക്കുംവെച്ച് ഏറ്റവും തുറസ്സായൊരു പ്രദേശത്തു എത്തുമ്പോൾ യുവാവ്, തന്നെ ആളുകൾ പിന്തുടരുന്നുണ്ട് എന്ന ഭാവം ദേഹമാകെ പ്രകടമാക്കി, ഇടത്തേക്ക് നീങ്ങി മുണ്ടഴിച്ച്, അത് കേറ്റിവെച്ച് തുറസ്സായ പ്രദേശത്തിന് അഭിമുഖമായി ഇരിക്കുന്നു-കക്ഷത്തിൽ മടക്കിയ കൂടുമൊക്കെയായി.
തലയല്പം കുനിച്ചും മൊത്തത്തിലൊന്ന് മുന്നിലേക്ക് വളഞ്ഞുമാണ് ഇരിപ്പ് (നിശ്ചയിച്ചെന്തോ ഉറപ്പിച്ചവിധം).
 89.medium shot/tracking/back
തുറസ്സായ, വിജനമായ ആ പ്രദേശത്ത് (ഉദ്ദേശം ഒഴിഞ്ഞ ഒരു കണ്ടം പോലെയുള്ള പ്രദേശം) ഇരുന്നപടി തുടരുകയാണ് യുവാവ്.
90.long shot
അല്പസമയത്തിനകം യുവാവ് മുഖമുയർത്തി നോക്കുകയാണ് മുന്നിലേക്ക് സാവധാനം-എന്തോ പ്രതീക്ഷിച്ചെന്നവിധം.
മുന്നിൽ അല്പം അകലെയായി ഇരുവശത്തുനിന്നും മൂന്നുപേർ വീതം യുവാവിന് മുന്നിലേക്ക് അണിനിരക്കുകയാണ്, ഉടുമുണ്ടുകൾ മടക്കിക്കുത്തിയും മടക്കിക്കുത്തിയത് ഉറപ്പിച്ചും യുവാവിനെ നേരിടുവാൻ തയ്യാറാകുംവിധവുമൊക്കെ- ഒരു പരസ്യ സംഘട്ടനത്തിനുള്ള ലക്ഷണമാണ് ആകെ കാണുവാനാകുന്നത്.
91.pov/long shot/tilt
ആരുപേർ ചേർന്ന് ഒരു അങ്കത്തിന് മുതിർന്നപടി ഇങ്ങനെ നിൽക്കുമ്പോൾ പതിയെ യുവാവ് ഇരുന്നിടത്തുനിന്നും മെല്ലെ എണീറ്റ് നിൽക്കുന്നു-കക്ഷത്തിലെ കൂടും ഒപ്പം ചെരുപ്പും ഊരി നിലത്ത് വെച്ചുകൊണ്ട്.
യുവാവിന്റെ തല ഒരു വശത്തേക്ക് അല്പം ചരിച്ചാണ് പിടിച്ചിരിക്കുന്നത് (രൗദ്രഭാവം മനസ്സിൽ സൂക്ഷിക്കുന്നതിനാൽ).
92.medium shot
അടുത്തനിമിഷം, തല ചരിച്ചുപിടിച്ചങ്ങനെ നിൽക്കെ, യുവാവ് സ്വന്തം മുണ്ടൂരി ചുഴറ്റി എടുത്തു തലയിൽ ഇറുക്കി വട്ടം കെട്ടിവെക്കുന്നു.
93.long shot/low angle
നിന്നിടത്തുനിന്നും ചാടിയിറങ്ങി അലറിക്കൊണ്ട് മുന്നിലുള്ള ആരുപേരെയും ലക്ഷ്യമാക്കി വേഗത്തിൽ ഓടിച്ചെല്ലുകയാണ് യുവാവ്.
94.medium shot/back
അലറി ഓടിവരുന്ന യുവാവ് ആറുപേരിൽ നാടുവിലത്തവനെ കുത്തിന് പിടിച്ച് പിന്നിലേക്കാക്കുന്നവഴി മറ്റ് അഞ്ചുപേരും യുവാവിനെ പിടിക്കുകയും നടുവിലത്തവനെ യുവാവിൽ നിന്നും രക്ഷിക്കുവാൻ ശ്രമിക്കുകയും ചെയ്യുകയാണ്.
ഫലമായി രണ്ടുകൈകൊണ്ടും യുവാവ് രണ്ടുപേരെ കുത്തിന് പിടിച്ച് തള്ളിക്കൊണ്ടിരിക്കുമ്പോൾ മറ്റ് നാലുപേരും യുവാവിനെ കുത്തിന് പിടിച്ച് മാറ്റാനും കൈകാര്യം ചെയ്യാനുമാണ് ശ്രമിക്കുന്നത്.
യുവാവും കൂട്ടരും അങ്ങോട്ടും ഇങ്ങോട്ടും അല്പം വട്ടം ചുറ്റിയുമൊക്കെ ലക്ഷ്യമില്ലാതെ ബലംപിടിച്ചും മറ്റും തുടരുകയാണ് -അങ്ങനെതന്നെ ഒരുമിച്ചുകൂടി.
95.medium shot/tracking /pan*
യുവാവുടൻ അങ്ങനെ തുടരവേ ഒരുവന്റെ മുട്ടിന് ചവിട്ടുന്നു. അവൻ മുട്ടിനേറ്റ ആഘാതത്തോടെ പിടിവിട്ട് കൂട്ടത്തിൽ നിന്നും പിറകിലേക്ക് വീഴുന്നു.
96.close up/pan/side
അടുത്തനിമിഷം യുവാവ് മുട്ടുമടക്കി ഒരുവന്റെ മധ്യത്തിൽ ഇടിക്കുന്നു. അവനും മധ്യത്തിനേറ്റ ആഘാതത്തിൽ കൈകളാൽ അവിടം പൊത്തി പിന്നിലേക്ക് നീങ്ങിപ്പോകുന്നു, ശേഷം വീണിരിക്കുന്നു.
97.close up/low angle
മിച്ചമുള്ള രണ്ടുപേരെ ഇരുകൈകളാൽ കുത്തിന് പിടിച്ച് യുവാവ്, തന്നെ പിന്നിൽനിന്നും പിടിച്ചിരിക്കുന്ന ഇരുവരേയും കൂട്ടി ആക്രോശിച്ചുകൊണ്ട് വട്ടം കറക്കി ബലത്തോടെ ഒരുവന്റെ താടയ്ക്കിട്ട് ഇടിക്കുന്നു, ഇത് ശ്രദ്ദിച്ച മറ്റവനെ തള്ളി പിന്നിലേക്കാക്കുന്നു.
താടയ്ക്ക് ഇടികൊണ്ടവൻ വിഷമിച്ച് സ്വന്തം കൈകളാൽ കഴുത്തിനെ സഹായിച്ച് പിന്നിലേക്ക് വീഴാറായി നിൽക്കുകയാണ്.
98.medium shot/tracking /pan
പിന്നിലുള്ള രണ്ടുപേരെയും ഒരുവിധം തന്റെ കൈകൾകൊണ്ട് അവരുടെ തലകൾ യഥാക്രമം തന്റെ കക്ഷങ്ങളിലാക്കി ഞെരുക്കിക്കൊണ്ട് അലക്ഷ്യമായി, അന്യോന്യമുള്ള ബലപ്രയോഗത്തിന്റെ ഫലമായി അങ്ങുമിങ്ങും നീങ്ങിക്കൊണ്ട് ഇരുവരേയും തന്റെ മുന്നിലേക്ക് കറക്കിയെടുത്ത് തള്ളി പിന്നിലേക്ക് വീഴ്ത്തുന്നു, ഇരുവരും ഏറ്റ ആഘാതത്തിൻപുറത്തും വീണുപോകുന്നു.
99.medium shot/back /tracking
അടുത്തനിമിഷം താടയ്ക്ക് ഇടിയേറ്റവന്റെ കൂടെ നിന്നിരുന്നവൻ ഓടിയെത്തി യുവാവിന്റെ പുറത്തിന് ചവിട്ടുന്നു. യുവാവ് മുന്നിലേക്ക് വീഴാറായി പോയി നിൽക്കുന്നു.
അടിക്കാൻ എത്തുന്ന അവനെ തിരിഞ്ഞു നിന്ന് കുത്തിന് പിടിച്ച് ആക്രോശത്തോടെ പിന്നോട്ട് തള്ളിക്കൊണ്ട് പോയശേഷം ഇടിക്കാനോങ്ങിയ അവന്റെ കൈപിടിച്ചുതന്നെ അവന്റെ ഹൃദയത്തിനിട്ട് തുടരെ തുടരെ ഇടിക്കുന്നു. അഞ്ചു ഇടിയിൽ അവശനായ അവനെ പിന്നോട്ട് തള്ളിയിടുന്നു യുവാവ്.
ഇതിനിടെ മുട്ടിന് ചവിട്ടേട്ടവൻ തിരുമ്മി എണീക്കുവാൻ ഏതാണ്ട് ശ്രമിക്കുന്നുണ്ടായിരുന്നു, മധ്യത്തിൽ ഇടിയേറ്റവൻ അത്രയും വയ്യാത്തവിധം മുട്ടുകുത്തി മധ്യത്തിനേറ്റ ആഘാതത്തെ കൈകളാൽ പരിഹരിക്കുവാൻ ശ്രമിക്കുകയാണ്.
100.long shot/tracking /side
ഉടനടി താടക്ക് ഇടിയേറ്റവൻ ഊർജ്ജം സംഭരിച്ച് ഓടിയെത്തി യുവാവിന്റെ തലയ്ക്കടിക്കുന്നു.
അടിയേറ്റ യുവാവ് അടുത്തനിമിഷം അവനെ പിടിച്ചു തന്റെ ഇടതുകാലിന്റെ മടക്കിയ മുട്ടിൽ മലർത്തി കിടത്തി നെഞ്ചിൽ വലതുകൈമുട്ട് മടക്കി ആഞ്ഞിടിക്കുന്നു. വേദനയേറ്റ് പുളഞ്ഞു ചുമയോടെ അവൻ താഴെവീണു ഉരുളുന്നു.
101.long shot/side/tracking /back/high angle
കക്ഷങ്ങളില്പെട്ട് കഴുത്തുകൾ ഞെരിയപ്പെട്ടവർ ഇരുവരും ഓടിയെത്തി യുവാവിനെ പിന്നിൽനിന്നും ബലമായി പിടിച്ച് പിന്നോട്ട് കൊണ്ടുപോകുന്നു. മുട്ടിന് ഇടിയേറ്റവൻ മുട്ട് ഒരു കൈയ്യാൽ താങ്ങി യുവാവിനെ കൈകാര്യം ചെയ്യുവാൻ എത്തുന്നു.
അവൻ, പിന്നിൽനിന്നും പിടിക്കപ്പെട്ടിരിക്കുന്ന യുവാവിന്റെ കരണത്ത് അടിക്കുകയും യുവാവ് അവന്റെ മുട്ടിന് വീണ്ടും ചവിട്ടുകയും ചെയ്യുന്നത് ഒപ്പമായിരുന്നു.
മധ്യത്തിന് ഇടിയേറ്റവൻ പഴയപടി മുട്ടുകുത്തി കുനിഞ്ഞിരുന്ന് വിഷമിക്കുന്നത് സാക്ഷിയാക്കി മുട്ടിന് ചവിട്ടേട്ടവൻ പഴയതിലും വിഷമിച്ച് മുട്ടിന് കൈകൾ സംരക്ഷണമായി നൽകി അവിടെ വീണുപോകുന്നു.
102.long shot/side/tracking /pan
മധ്യത്തിന് ഇടിയേറ്റവൻ, യുവാവിനെ പിന്നിൽനിന്നും രണ്ടുപേർ പിടിച്ച് കൈകാര്യം ചെയ്യുവാൻ ശ്രമിക്കുന്നത് കണ്ട് (യുവാവ് പഴയപടി അവരുടെ കഴുത്തുകൾ ലക്ഷ്യമാക്കുന്നുണ്ട് ) ഒരുവിധം രൗദ്രത ഭാവിച്ച് എഴുന്നേറ്റു ചെല്ലുവാൻ ശ്രമിച്ച് അടുത്തനിമിഷം തളർന്നവിധം കമിഴ്ന്ന് നിലത്ത് വീഴുന്നു.
103.medium shot/back
യുവാവിനെ പിന്നിൽ നിന്നും പിടിച്ചിരിക്കുന്നവരിൽ ഒരുവൻ ഇതിനിടക്ക് പിന്നിലേക്ക് കുതറി മാറി, യുവാവിനെ പിന്നിൽ നിന്നും മുന്നിലേക്ക് ചവിട്ടിവിടുന്നു. ആഘാതത്തിൽ യുവാവ് മുന്നിലേക്ക് പോയി കമിഴ്ന്ന് വീഴുന്നു.
ഉടനെ പിന്നിൽ നിന്നും പിടിച്ച മറ്റവൻ ഓടിയെത്തി യുവാവിന്റെ നടുവിന് ചവിട്ടിയശേഷം കഴുത്തിൽ ചവിട്ടി പിടിക്കുന്നു, ഒരു കൈയ്യിൽ ഒരു കാൽ ചവിട്ടിപ്പിടിച്ചശേഷം.
ചവിട്ടിവിട്ടവൻ ഓടിയെത്തുമ്പോഴേക്കും യുവാവ് തന്റെ ഇടതുകൈകൊണ്ട്, തന്റെ പിൻകഴുത്തിൽ അമർന്ന കാൽ പിടിച്ചിറുക്കി വേദനിപ്പിച്ചു മാറ്റുന്നു.
അടുത്തനിമിഷം ചാടിയെഴുന്നേൽക്കുന്ന യുവാവിനെ ഓടിയെത്തിയ ചവിട്ടിവിട്ടവൻ പിടുത്തമിടുന്നു, പിന്നിലേക്ക് കൊണ്ടുപോകുന്നു.
(ഇടത്ത് ഒരാൾ കമിഴ്ന്ന് നെഞ്ചിനേറ്റ പരിക്കുമായി കിടക്കുന്നതും വലത്ത് ഒരാൾ മലർന്ന് നെഞ്ചിനേറ്റ പരിക്കുമായി കിടക്കുന്നതും -ബുദ്ധിമുട്ടുന്നത് കാണാം )
104.close up/side/tracking /pan/back
തന്റെ കഴുത്തിനു പിടിച്ചിരിക്കുന്നവന്റെ കൈകൾ ആക്രോശിച്ചുകൊണ്ട് സ്വന്തം കൈകളാൽ തിരിച്ച് കറക്കി തിരിച്ച്, പിന്നോട്ട് പൊയ്ക്കൊണ്ടിരിക്കെ യുവാവ് ബലംപിടിച്ചുനിന്നു, അവനെ പിന്നിലേക്ക് അങ്ങനെതന്നെ പിടിച്ച് തള്ളിക്കൊണ്ട് വലതുകൈകൊണ്ട് മുഖത്ത് തുടരെ മൂന്നുതവണ ആഞ്ഞിടിക്കുന്നു.
ഇടികൊണ്ട് അവൻ താഴേക്ക് വീണുപോവുകയാണ് മൊത്തത്തിലുള്ള ആഘാതത്തോടെയും.
105.close up/back/tracking
കാലിൽ പിടുത്തമേറ്റ് പിന്മാറിയവൻ ഓടിവന്ന് വലതുകൈക്ക് യുവാവിനെ ചാടിയടിക്കാൻ നോക്കുന്നനിമിഷം ആ കൈ തന്റെ ഇടതുകൈക്ക് പിടിച്ച് അതേനിമിഷം യുവാവ് തന്റെ വലതുകൈക്ക് അവന്റെ ഹൃദയഭാഗത്ത് ദൃഷ്ടി ചുരുട്ടി ആഞ്ഞിടിക്കുന്നു.
ഏറ്റ ആഘാതത്തിൽ ഇരുകൈകൾകൊണ്ടും ഹൃദയഭാഗം പൊത്തി അവൻ പിന്നോട്ട് പോയി പോയി നിലത്തു വീഴുന്നു.
106.medium shot/tracking /side
ആറുപേരും ഏകദേശവും മുഴുവനുമായും പലവിധം അടിയും ഇടിയും ഏറ്റ് വീണുകിടക്കുകയാണ് -ഒരാൾ മധ്യത്തിന് ഇടിയേറ്റ് കമിഴ്ന്ന് കിടക്കുകയാണ്, അടുത്തായൊരുവാൻ മുട്ടിന് ചവിട്ടേട്ട് ചരിഞ്ഞുകിടന്ന് മുട്ടിന് കൈതാങ്ങിയൊക്കെ പുളയുകയാണ്, നെഞ്ചിന് കൈമുട്ടിന് കുത്തേറ്റവൻ വാ തുറന്ന് മലർന്ന് ശ്വാസം വലിച്ച് കിടപ്പാണ്.
നടുവിലൂടെ യുവാവ് ശ്വാസം വലിച്ചുവിട്ട് അവശത പ്രകടമാക്കി മെല്ലെ നടന്ന് തലയിൽനിന്നും അഴിഞ്ഞുപോയിരുന്ന (സംഘട്ടനത്തിനിടെ ) മുണ്ട് തപ്പി നടക്കുകയാണ് അങ്ങുമിങ്ങും.
ഇപ്പുറത്തായി ഒരുവൻ തിരിഞ്ഞ കൈകളുമായി മലർന്നുകിടന്ന് വിഷമിക്കുന്നു, ഹൃദയഭാഗത്തിന് മുഷ്ടി ചുരുട്ടി ഇടിയേറ്റവൻ കമിഴ്ന്ന് മുട്ടുകുത്തി ചലനമില്ലാതെ നിൽക്കുന്നു, അഞ്ചിടി നെഞ്ചിന് കിട്ടിയവൻ അല്പം മാറി മലർന്ന് പക്ഷെ തല ചെരിച്ച് നെഞ്ചിൽ തിരുമ്മി കിടപ്പാണ്.
ഏവരും ഏറ്റ ആഘാതത്തിനൊത്ത് അവശതാ ശബ്ദങ്ങൾ കേൾപ്പിക്കുന്നുണ്ട്.
107.long shot/low angle/tracking /pan
തപ്പിനടന്ന് ഒരുനിമിഷം അഴിഞ്ഞു വീനിരുന്ന മുണ്ട് (തലയിൽ കെട്ടിയിരുന്നത് ) യുവാവ് ആറുപേരുടെ ഇടയിലൊരിടത്തുനിന്നും കണ്ടെടുക്കുന്നു, കുനിഞ്ഞും മറ്റും.
ശേഷം അതെടുത്ത് എഴുന്നേറ്റ് നിവർന്ന് നിൽക്കുന്നു.
108.medium shot/back/high angle
യുവാവ് നിവർന്ന് നിന്നിടത്തുനിന്നും കൈയ്യിൽ മുണ്ടുമായി വലതുവശംവഴി തിരിഞ്ഞ് നിൽക്കുമ്പോൾ കാണുന്നത്, യുവാവ് ഇരുന്നിടത്ത് റോഡിലായി അടിയേറ്റവരുടെ നേതാവായ യുവാവ് നിൽക്കുകയാണ്- പാന്റും ഷർട്ടും വേഷം, ആകെമൊത്തം രൗദ്രഭാവം
109.pov/pan/long shot
മുന്നിലെ നേതാവായ യുവാവിനെ നോക്കിക്കൊണ്ട്, യുവാവ് ചുണ്ടിലെ രക്തമുറ്റത് കൈകൊണ്ട് തൂത്തു കളഞ്ഞശേഷം, വലതുകൈയ്യിലെ മുണ്ട് ചുരുട്ടി സ്വന്തം അരയിൽ ഇറുക്കി വട്ടം ചുറ്റി കെട്ടിവെക്കുന്നു (തലയല്പം ചരിഞ്ഞാണ് നോട്ടം ).
110.medium shot/low angle
വീണുകിടക്കുന്നവരുടെ നടുവിലായി നിൽക്കെ മുന്നിലുള്ള യുവാവിനെ, യുവാവ് താഴ്ത്തിയിട്ടിരുന്ന രണ്ട് കൈകളുമുയർത്തി പത്തികൾകൊണ്ട് ‘പോരിന് വരാൻ’ ആംഗ്യം കാണിക്കുന്നു -കാലുകളൽപ്പം അകത്തി നിൽക്കെ തലയല്പംകൂടി ഉയർത്തിയവിധം, ചുണ്ടുകളല്പം തുറന്നും, വീണുകിടക്കുന്നവരെ സാക്ഷികളാക്കിയെന്നവിധം.
111.long shot/low angle
യുവാവ് അവിടെനിന്നും അലറിക്കൊണ്ട് റോഡിനരികത്ത് നിൽക്കുന്ന നേതാവായ യുവാവിനെ ലക്ഷ്യംവെച്ച് കുതിക്കുകയാണ്. നേതാവ് ഇരുകൈകളും തയ്യാറാക്കുന്നുണ്ട്.
112.medium shot/low angle/back
Cut to black :
നായകൻ യുവാവിനോട് അടുപ്പമുള്ള ഏതോ ഒരു യുവതി :
(V. O., സ്നേഹത്തോടെ )
“ഇത്രയും പാവമായിട്ടിരുന്നാൽ
ജീവിച്ചുപോകാൻ പറ്റില്ല കെട്ടോ…”
113.
Cut to:
Title – MALEY
[യുവാവിന്റെ അലർച്ച, ആക്രോശം എന്നിവയുടെ പെരുപ്പിച്ച ശബ്ദം, (112) -ന്റെ തുടർച്ച]
114.
Cut.
Scene 13 (End credits)
Ext. വഴിയരുകിലെ ഇടുങ്ങിയ ഒരിടം. Day 8am
പിന്നിലേക്ക് കൈകൾ കെട്ടി നേതാവായ യുവാവ് മുന്നിലെ വിജനമായ തുറസ്സായ സ്ഥലത്തേക്ക് നോക്കി നിൽക്കുകയാണ് -മാനസികമായി ക്ഷീണിതനായ ലക്ഷണം ആകെ, പാന്റും ഷർട്ടുമാണ് വേഷം.
പിന്നിലായി ഇരുവശവും ഈരണ്ടുപേർ നിൽക്കുന്നുണ്ട്. ഇവർക്ക് പിന്നിൽ ഒരു സാധാരണ വഴിയാണ്.
യുവാവിനൊപ്പം പ്രധാനിയെന്ന് തോന്നിക്കുന്നൊരാൾ (മുണ്ടും ഷർട്ടും വേഷം ) ഇടതുഭാഗത്തുനിന്നും ഓടിവന്ന് യുവാവിനോടായി എന്തോ പറയുവാൻ പിന്നിലെത്തി നിൽക്കുന്നു.
മൊത്തത്തിലൊരു പതിഞ്ഞ, രഹസ്യമായ മട്ടാണ് എല്ലാവർക്കും.
115.close up/tracking /back/long shot
ഓടി വന്നവൻ :
(ഗൗരവത്തോടും ആത്മാർത്ഥതയോടും, യുവാവിനോട് )
“എടാ കാര്യം ശരിയാ, എല്ലാവരും നിന്നെ തിരക്കുന്നുണ്ട്…
കുറച്ചു നാളത്തേക്ക് ഇറങ്ങിനടക്കുവാൻ പറ്റുമെന്ന് തോന്നുന്നില്ല…!”
116.close up
വലതുഭാഗത്ത് നിൽക്കുന്ന ഒന്നാമൻ :
(ഓടി വന്ന പ്രധാനിയോട്, സംശയത്തോടെ )
“നമ്മള് അന്നവിടെ കൂടിയപ്പോൾ ഒരുത്തൻ അപ്പുറംവഴി പോയില്ലേ…!
അവനത് കേട്ടിട്ട് പോയി പറഞ്ഞതാകാനേ വഴിയുള്ളൂ…”
(പ്രധാനിക്ക് ഉദ്ദേശം വിശ്വാസമായവിധമാണ് ഭാവം )
ഇടതുഭാഗത്ത് നിൽക്കുന്ന ഒന്നാമൻ :
(പ്രധാനിയോട്, തുടർച്ചയെന്നവിധം )
“അതാ എന്നും പണിയാൻ പോകുന്ന ഒരുത്തനല്ലേ,
അവനെ ശരിയാക്കാം നമുക്ക്!”
(പ്രധാനി മുഖം ഇടത്തേക്ക് തിരിക്കുന്നു, ഭാവം തുടരുന്നു )
117.close up/pan
ഇടതുഭാഗത്തെ രണ്ടാമൻ :
(അല്പം ഉറപ്പിച്ച്, ശബ്ദം കൂട്ടി )
“ഒന്നും നോക്കേണ്ട, ഇപ്പോൾത്തന്നെ വേണേൽ പോയി
രണ്ടെണ്ണം കൊടുക്കാം നമുക്ക്!”
118.close up
വലത്തേ രണ്ടാമൻ :
(തുടർച്ചയെന്നവിധം, യുവാവിന്നോടെന്നപോലെ )
“അതേ, മച്ചാൻ കൂടെ നിന്നുതന്നാൽ മാത്രം മതി കണ്ടോണ്ട്.”
119.close up
ഓടിവന്നവൻ :
(പഴയപടി നിൽക്കുന്നതിൽനിന്നും ദേഷ്യത്തോടെ പിന്നിലേക്ക് തിരിഞ്ഞുവന്ന യുവാവിനോപ്പം മുന്നിൽ നിന്ന്, തോളിൽ കൈകൾ പിടിച്ചശേഷം സാവധാനം, യുവാവിന്റെ മുഖത്ത് നോക്കിത്തന്നെ )
“എടുത്തുചാടാതെ പറയുന്നത് കേൾക്ക്…തത്കാലം ഒന്ന്‌ മാറിനിൽക്ക്.
ഇവിടുത്തെ കാര്യം ഞങ്ങള് നോക്കിക്കോളാം, അതാ നല്ലത്…”
(ദേഷ്യംകൊണ്ട് കലിതുള്ളി നിൽക്കുന്ന യുവാവിനെ അല്പം ബലമുപയോഗിച്ചാണ് നിർത്തിയിരിക്കുന്നത് )
120.close up/side
ഓടിവന്നവൻ :
(യുവാവ് അടുത്തനിമിഷമൊന്ന് ശാന്തനായപ്പോൾ തിരിഞ്ഞ്, യുവാവിന് മുന്നിൽ നിന്ന്, മുന്നിലുള്ള നാലുപേരെയും സാക്ഷിയാക്കിയവിധം, മുണ്ട് ഒന്ന്‌ മുറുക്കിയുടുത്തുകൊണ്ട്, മുന്നിലേക്ക് നോക്കി പറയുന്നു )
“ഇപ്പോൾ എന്താ വേണ്ടതെന്ന് എനിക്കറിയാം.
നീയല്പം വിശ്രമിക്ക് എവിടെയെങ്കിലും…”
(യുവാവിനെ സാക്ഷിയാക്കുംവിധം, മുന്നിലെ നാലുപേരെയും തന്റെ മുന്നിലേക്ക് ഒരുമിപ്പിച്ച് കൂട്ടുന്നു കൈകൾകൊണ്ട്, പ്ലാൻ തയ്യാറാക്കുവാൻ എന്നവിധം.
രണ്ടുമൂന്നു നിമിഷത്തിനകം സ്കൂട്ടറിൽ മധ്യവയസ്കൻ അതുവഴി കടന്ന് പോവുകയാണ്, ഓടിവന്നവൻ വന്നവഴിയേ )
121.close up/tracking /long shot
Cut.
Post credit note if, needed:
“മിണ്ടാപ്പൂച്ച കലമുടയ്ക്കും…
മിണ്ടാതെ നടക്കുന്നവരാണ് കൂടുതൽ പ്രശ്നക്കാര്…”
122.
Cut.
End.
©ഹിബോൺ ചാക്കോ