MALEY (action thriller 1/4 )

MALEY (action thriller 1/4 )
Screenplay by Hibon Chacko
©copyright protected
Opening credits A
Scene 1
Ext. ഒഴിഞ്ഞ ടാറിട്ട ഇടവഴി. Night 8pm
വഴിവിളക്കുകൾ കത്തിനിൽക്കുന്ന ഒഴിഞ്ഞ ടാറിട്ട ഇടവഴിയിലൂടെ ഒരു മധ്യവയസ്കൻ സ്കൂട്ടറിൽ അകലെനിന്നും വന്ന് സാവധാനം കടന്ന് പോവുകയാണ്.
അകലെനിന്നും ഒരാൾ സാവധാനം നടന്നുവരുന്നുണ്ട്. അതൊരു യുവാവാണ് -മടക്കികുത്തിയ മുണ്ടും ടീഷർട്ടും വേഷം, സാധാരണ റബ്ബർ ചെരുപ്പ്, ഭംഗിയാക്കാത്ത മുടി, വലത്തേ കക്ഷത്തിൽ ഒരു കൂടിൽ എന്തൊക്കെയോ മടക്കിപ്പിടിച്ചിട്ടുണ്ട്.
1.long shot/low angle
ഒരു വഴിവിളക്ക് കഴിഞ്ഞ് അടുത്ത വഴിവിളക്കിന് മുൻപുള്ള ഇരുണ്ട ഭാഗത്ത് എത്തുമ്പോഴേക്കും സംശയം തോന്നിയവിധം യുവാവൊന്ന് നിൽക്കുന്നു.
സംശയത്തിന്റെ പുറത്തെന്നവിധം അടുത്തനിമിഷം മെല്ലെ യുവാവ് തല വലത്തേക്ക് തിരിക്കുന്നു.
2.medium shot/tracking /back
Cut to black :
നാലുപേർ ചേർന്ന് പെട്ടെന്ന് യുവാവിന്റെ മുണ്ട് പറിച്ചുകൊണ്ട് മറയുന്ന ശബ്ദം.
3.
Cut to:
യുവാവ് തലതാഴ്ത്തി, കൈകൾ ശരീരത്തോട് ചേർക്കാതെ നീട്ടി താഴേക്കിട്ട് (തിരിഞ്ഞ് ) നിൽക്കുകയാണ്. മുണ്ട് ഉരിയപ്പെട്ട നിലയിലാണ് യുവാവ് -അണ്ടർവെയർ പോലെയുള്ള ഒരു നിക്കർ, കക്ഷത്തിൽ ഇരുന്ന മടക്കിയ കൂടും അതിലെ സാധനങ്ങളുമുൾപ്പെടെ യുവാവിന്റെ വലതുവശത്ത് റോഡിൽ കിടക്കുന്നുണ്ട്.
4.long shot/low angle
Cut to black :
Opening credits B
5.
Cut.
Scene 2
Ext. ഉള്ളേരിയയിലെ ഒഴിഞ്ഞ കവല. Day 8am
ഉള്ളേരിയയിലെ ഒരു മൂന്നുംകൂടിയ കവല (ഒഴിഞ്ഞത് എന്ന് പറയാം ). റോഡ് ടാർ ചെയ്തിട്ടുണ്ട്. ഇടതുവശത്ത് രണ്ട് യുവാക്കൾ ഒരിടത്ത് ഇരിക്കുകയാണ് -ഒരാൾ ഒരു പൊതി മടക്കി കക്ഷത്തിൽ വെച്ചിട്ടുണ്ട്, പണിക്ക് പോകുന്നെന്നവിധം. വലതുവശത്ത് അല്പം മാറി രണ്ട് യുവതികൾ നിൽക്കുകയാണ് -ഒരാളുടെ കൈയ്യിൽ ബാഗ് ഉണ്ട്, കോളേജിലോ മറ്റോ പോകുന്നെന്നവിധം -ഇരുവരും പരസ്പരം എന്തൊക്കെയോ പിറുപിറുക്കുന്നുണ്ട്.
യുവാക്കൾക്കും യുവതികൾക്കും നടുവിലൂടെയുള്ള റോഡിലൂടെ അകലെനിന്നും യുവാവ് നടന്നുവരികയാണ് രാവിലെ പണിക്ക് പോകുന്നവഴി -തലയല്പം താഴ്ത്തിയ വിധമാണ് നടത്തം, ടീഷർട്ടും മടക്കിക്കുത്തിയ മുണ്ടും വേഷം, കക്ഷത്തിൽ അല്പം കനത്തിൽ എന്തോ ഉള്ളൊരു കൂട് മടക്കി പിടിച്ചിരിക്കുന്നു.
ഇരിക്കുന്ന രണ്ട് യുവാക്കളിൽ കക്ഷത്തിൽ പൊതിയിരിക്കുന്നവൻ ആദ്യവും മറ്റേവൻ രണ്ടാമതും യുവാവ് നടന്നുവരുന്നത് ശ്രദ്ദിക്കുന്നു.
6.long shot/low angle
(രണ്ട് യുവാക്കളും തങ്ങളുടെ വലതുഭാഗത്തേക്ക്, യുവാവ് നടന്നുവരുന്നത് നോക്കി ഇരിക്കുകയാണ് )
പണിക്ക് പോകാനിരിക്കുന്ന യുവാവ് :
(സംശയത്തോടെ നെറ്റി ചുളുപ്പിച്ച് )
“ഇവനാ മറ്റേ വീട്ടിലെ അല്ലേ!?”
അടുത്തിരിക്കുന്ന യുവാവ് :
(നോട്ടം മാറ്റാതെ തുടരവേ )
“അതെ. ഇവനൊരു ടൈപ്പ് ആണ്.
ഒരു മൂകൻ…ഒറ്റയാൻ…”
(ലാഘവം കലർന്ന വാചകങ്ങൾ )
7.medium shot
(രണ്ട് യുവതികൾ തങ്ങളുടെ നോട്ടത്തെ പിടിച്ചുനിർത്തിയിരിക്കുന്നവിധം, മുന്നോട്ട് നോക്കിത്തന്നെ ബലംപിടിച്ചവിധം നിൽക്കുകയാണ്)
കോളേജിൽ പോകാനിരിക്കുന്ന യുവതി:
(സംശയത്തോടെ നെറ്റിചുളുപ്പിച്ച്)
“ഇതാണോടീ അവള് പറഞ്ഞ ചെറുക്കൻ?”
(ശബ്ദം അല്പം അടക്കിപ്പിടിച്ചാണ്)
അടുത്ത് നിൽക്കുന്ന യുവതി:
(ചെറിയ അമ്പരപ്പോടെ)
“ഊമ്…!”
8.medium shot
(തലയല്പം താഴ്ത്തിയവിധം, മുന്നിൽ താഴേക്ക് ദൃഷ്ടി പതിപ്പിച്ച്, നടന്ന് തന്റെ വലത്തായി നിൽക്കുന്ന യുവതികളെ പിന്നിടുകയാണ് യുവാവ്. യുവതികൾ തങ്ങളുടെ കണ്ണുകൾ മാത്രം യുവാവിലേക്കാക്കുന്നുണ്ട് )
പണി. യുവാവ് :
(O. S., സംശയഭാവത്തോടെത്തന്നെ)
“കാണുമ്പോഴെല്ലാം തലതാഴ്ത്തിയാണല്ലോ നടപ്പ്!
അവൾക്ക് ഇവനെ കാണുമ്പോൾ എന്തോ
ഇളക്കം പോലെയാണെന്ന് കേട്ടു…”
അടുത്തുള്ള യുവാവ്:
(O. S., ലാഘവത്തോടെ തന്നെ )
“ഇവനോ! ഏയ്‌…ഇവനാ ടൈപ്പ് അല്ല.”
9.medium shot/tracking
ഇരിക്കുന്ന രണ്ട് യുവാക്കളെയും കടന്ന് ഭവമാറ്റമില്ലാതെ യുവാവ് നടന്ന് മുന്നോട്ടു പൊയ്ക്കൊണ്ടിരിക്കുകയാണ്. രണ്ട് യുവതികളും പരസ്പരം എന്തോ പറയുംവിധം നിൽക്കുന്നുണ്ട്. മറ്റാരെയും ഈ കവലയിൽ കാണാനില്ല.
10.long shot/side
Cut.
Scene 3
Ext. ഉള്ളേരിയയിലെ വീട്. Night 8pm
(അല്പം മുന്നിലായി കാണപ്പെടുന്ന വീടിന്റെ വരാന്തയിൽ ലൈറ്റ് തെളിച്ചിട്ടിരിക്കുന്നു- വിജനമായ ചുറ്റുപാടുള്ള ഒരു സാധാരണ വീട്.
രാത്രി പണികഴിഞ്ഞു, രാവിലെ പോയപടി തിരികെ സ്വന്തം വീട്ടിലേക്ക് നടന്നുചെല്ലുകയാണ് യുവാവ്.)
കോളേജ്കാരിയുടെ കൂടെനിന്ന യുവതി :
(V. O., സംശയത്തോടെ )
“എടീ Stokes ന് Stokesy…
Root ന് Rooty.
അപ്പോൾ Tendulkar നോ!?”
കോളേജുകാരി യുവതി :
(V. O., ലാഘവത്തോടെ )
“Tendy (തെണ്ടി )”
പണിക്കുപോകാൻ ഇരുന്ന യുവാവ് :
(V. O., സംശയത്തോടെ )
“ഇവന്റെ വീട്ടുകാരൊക്കെ അന്തർമുഖരാണോ?”
കൂടെ ഇരുന്ന യുവാവ് :
(V. O., ലാഘവത്തോടെ )
“ആ…ഏതാണ്ടൊക്കെ മൊത്തം
ഇൻട്രോവെർട്ട് കേസുകളാണ്.”
കോളേജുകാരി യുവതി :
(V. O., സംശയത്തോടെ )
“എന്താ ഈ ചെക്കന് പണി?”
കൂടെ ഇരുന്ന യുവാവ് :
(V. O., ലാഘവത്തോടെ )
“ആ എനിക്കറിയില്ല…
എന്തോ ‘പണി’ ആഹ്”
(യുവാവ് വീടിന്റെ വരാന്തയിലേക്ക് ചെന്ന് കയറിയിരുന്നു ഇതിനോടൊപ്പം, അകത്തേക്ക് കയറുവാൻ വാതിൽ തുറക്കാൻ കാത്ത് നിൽക്കുംവിധം )
11.long shot/low angle /back
Cut.
Scene 4
Ext. മെയിൻ റോഡിലേക്ക് കയറുന്ന ഇടവഴി. Day 8am
തന്നെക്കാൾ മുതിർന്ന ഒരാളോടൊപ്പം, പണിക്ക് പോകുന്നവഴി നടക്കുകയാണ് യുവാവ് -പതിവ് വേഷം, ഒന്നും മാറ്റമില്ല. മുതിർന്ന ആളുടെ വലതുകൈയ്യിൽ ഒരു ചരട് കെട്ടിയിട്ടുണ്ട് -മുണ്ട് മടക്കി ഉടുത്തിരിക്കുന്നു.
12.medium shot/tracking
മുതിർന്നയാൾ :
(പ്രൗഢി ഭാവിച്ച് നടത്തം തുടരവേ )
“ഇനിയങ്ങോട്ട് മെയിൻ റോഡ് അല്ലേ, പേടിക്കേണ്ടല്ലോ…
ഞാനെന്നാൽ തിരിച്ചു പോകുവാ…”
(ഇരുവരും നടത്തം നിർത്തുന്നു, മുഖമുഖമെന്നപോലെ നിൽക്കുന്നു. അവരുടെ മുന്നിൽ അല്പം അകലെ മെയിൻ റോഡും അതിലെ പോകുന്ന വാഹനങ്ങളും കാണാം )
13.medium shot/tracking /back
മുതിർന്നയാൾ :
(ഇരുകൈകളും അരയ്ക്കുകൊടുത്ത് )
“രണ്ടുമൂന്നു ദിവസമായി രാത്രിയും പകലും ഉണ്ടല്ലോ ഞാൻ…
ഇതുവരെ മുണ്ടുപറിക്കാൻ ഒരെണ്ണം വന്നില്ല!”
(യുവാവ് അല്പമൊന്ന് തലതാഴ്ത്തി നിൽക്കുന്നു )
14.medium shot
മുതിർന്നയാൾ :
(അല്പം ആത്മാർത്ഥ ഭാവിച്ച് )
“എടാ നമ്മള് എല്ലാ വഴികളും പോയി നോക്കിയല്ലോ…
നീ ഇപ്പോൾ പണിക്ക് പോ, നമുക്ക് നോക്കാം.”
(അശ്വസിപ്പിക്കുന്ന മുഖഭാവം )
15.close up
പരസ്പരം ‘എന്നാൽ ശരി’ എന്ന ഭാവം പ്രകടമാക്കി മെയിൻ റോഡ് ഭാഗത്തേക്ക്‌ യുവാവും, തിരികെ മുതിർന്നയാളും മുണ്ടൊക്കെയൊന്നഴിച്ച് മടക്കിക്കുത്തി നടന്നുപോകുന്നു, പിരിയുന്നു.
16.long shot/side
മുതിർന്നയാൾ തിരികെ റോഡിന്റെ ഇടത്തേ അരികുവഴി പൊയ്ക്കൊണ്ടിരിക്കുമ്പോൾ ദൂരെനിന്നും സ്കൂട്ടറിൽ മധ്യവയസ്കൻ സാവധാനം വന്നുപോവുകയാണ്.
17.long shot/low angle
Cut.
Scene 5
Ext. ഉള്ളേരിയയിലെ ഒഴിഞ്ഞ കവല. Night 8pm
പണികഴിഞ്ഞു തിരിച്ചു വരുന്നവഴി കവലയിൽ പരസ്പരം വർത്തമാനം പറഞ്ഞിരുന്നശേഷം പ്രധാന റോഡിൽനിന്നും കുറുകെ വരുന്ന വഴിയിലൂടെ സ്വന്തം വീടുകളിലേക്ക് നടന്നുവരുന്ന രണ്ട് യുവാക്കൾ -ഒരാൾ അല്പം മുതിർന്നതാണ്.
ഒരാൾ കക്ഷത്തിൽ പൊതി ഇരിക്കെ അഴിഞ്ഞുകിടന്നിരുന്ന മുണ്ട് മടക്കി ഉടുത്തും മറ്റെയാൾ കക്ഷത്തിൽ പൊതി ഇരിക്കെ മുണ്ടിന്റെ തുമ്പ് ഇടതുകൈയ്യിൽ പൊക്കി പിടിച്ചിരുന്നത് തന്റെ കൂട്ടാളിയെ അനുകരിച്ച് മുണ്ട് മടക്കി കുത്തിയുമാണ് നടത്തം തുടരുന്നത്.
ഇരുവർക്കും പിന്നിലായി പ്രധാന റോഡിൽ ഒരു വഴിവിളക്ക് കത്തിനിൽക്കുന്നത് കാണാം.
18.long shot
മുണ്ട് ആദ്യം മടക്കി കുത്തിയവൻ :
(നിർവൃതിയോടെ )
“നമ്മുടെ ഗുണ്ടയെ കുറച്ചു ദിവസമായിട്ട് കാണുന്നില്ലലോ…”
കൂട്ടാളി :
(ലാഘവത്തോടെ )
“ആർക്കറിയാം, ഇവിടെ എവിടെയെങ്കിലുമൊക്കെ കാണും.
അവന്റെ കുറച്ചു കൂട്ടാളികളെ കഴിഞ്ഞ ദിവസം
രാവിലെ കണ്ടിരുന്നു.”
19.medium shot/tracking /back
ആദ്യത്തേവൻ :
(സമാധാനത്തോടെ, മുന്നോട്ട് നോട്ടം പിടിച്ച് )
“ആഹ്, കുറച്ചവന്മാരെ രാത്രി അവിടൊരിടത്ത് ഞാനും
കണ്ടിരുന്നു.”
(പെട്ടെന്ന് ഇരുവരുടെയും ഇടതുഭാഗത്തെ പറമ്പിൽ ഒരനക്കം കേൾക്കുന്നു, ഇരുവരും ഒന്ന്‌ നിൽക്കുന്നു.
അനക്കം മൃദുവായി തുടരുന്നത് ശ്രദ്ദിച്ച് രണ്ടാമൻ തന്റെ കക്ഷത്തിലെ പൊതിയിൽനിന്നും മൊബൈലെടുത്ത് ലൈറ്റ് തെളിച്ച് നോക്കുന്നു അവിടേക്ക്, ഒന്നാമനും ഒപ്പം കൂടുന്നു )
20.medium shot/tracking
ഇരുവരും, രണ്ടാമന്റെ മൊബൈൽ വെളിച്ചത്തിന്റെ സഹായത്തോടെ പറമ്പിലേക്ക് എത്തി നോക്കുന്ന ഉടൻ ഒരാൾ മുണ്ടുരിഞ്ഞ പടി എഴുന്നേറ്റ് ഓടുന്നു അകത്തേക്ക് (യുവാവ് -അണ്ടർവെയർ പോലെയുള്ളൊരു നിക്കർ ധരിച്ചിട്ടുണ്ട് ).
21.medium shot/tracking
ആദ്യത്തേവൻ :
(രണ്ടാമനൊപ്പം അങ്ങനെതന്നെ തുടരവേ )
“ഏഹ്, ആരാടാ അത്…പേടിച്ച് പോയല്ലോ!”
രണ്ടാമൻ :
(മൊബൈൽ വെളിച്ചം പിടിച്ച് പഴയപടി തുടരവേ )
“ഈ ഏരിയയിൽ പല പരിപാടികളും രാത്രി നടക്കാറുണ്ടന്നേയ്!
അതിൽ ഏതിനെങ്കിലും വന്നതായിരിക്കും!”
(ആദ്യം രണ്ടാമനും പിന്നെ ഒന്നാമനും തങ്ങളുടെ ശ്രമത്തിൽനിന്നും പിന്തിരിയുന്നു. ആദ്യത്തേവൻ നോക്കിനിൽക്കെ രണ്ടാമൻ മൊബൈൽ ലൈറ്റ് അണച്ച് അത് പൊതിയിൽ ഭദ്രമാക്കി തിരികെ കക്ഷത്തിലാക്കുന്നു. ശേഷം രണ്ടാമനെ നോക്കുന്നു )
22.medium shot
രണ്ടാമൻ :
(ലാഘവത്തോടെ )
“വല്ല തൂറാനോ പണിയാനോ ഒക്കെ വന്നതായിരിക്കുമെന്നേയ്…
നിങ്ങള് പേടിക്കാതെ!”
23.close up
(ഇരുവരും പഴയപോലെ നടത്തം ഒരുമിച്ച് തുടരുന്നു )
രണ്ടാമൻ :
(അഭിമാനഭാവം )
“എന്തായാലും കള്ളനല്ല. ആ പരിപാടി ഇവിടെ നടക്കില്ല.”
ഒന്നാമൻ:
(ആശ്വാസത്തോടെ)
“ഹഹ്, അതുശരിയാ. ഈ പ്രദേശത്ത് അതുമാത്രം നടക്കില്ല.”
(ഇരുവരും മുന്നോട്ട് നടന്നുപോകുന്നു, ആശ്വാസത്തോടെ)
24.long shot
Cut.
(തുടരും...)