saico (psychological thriller 4/4)

saico (psychological thriller 4/4)
Screenplay by Hibon Chacko
®copyright protected

അങ്ങനെ തുടരവേ, യുവാവ് തലയാട്ടിയശേഷം അല്പം പിന്നിലേക്ക് മാറിനിൽക്കുന്ന നിമിഷം ശങ്കർ കാർ മുന്നോട്ട് പായിച്ച് പോകുന്നു.

അങ്ങനെതന്നെ നിൽക്കുന്ന യുവാവ് പോക്കറ്റിൽ നിന്നും തന്റെ മൊബൈൽ എടുത്ത് ഒരു കോൾ ചെയ്ത് വലത്തേ ചെവിയിലേക്ക് ചേർത്തശേഷം വലത്തേക്കൽപം തലതിരിക്കുന്നു, ദൂരെ മറയുന്ന കാറിനെ നോക്കിയെന്നവിധം.

87.long shot/back/left side of Young man

Cut to:



Scene 5 (1D) -CONTINUE 

മൂവരും തന്റെ പിന്നിലൊക്കെയായി പഴയപടി നിൽക്കെ, തന്റെ മുന്നിൽ വായ അല്പം കിതച്ചപടിയെന്നവിധം തുറന്ന്, തന്നെ നോക്കിനിൽക്കുന്ന സായിക്ക് മുന്നിലായി നിന്നുപോവുകയാണ് ശങ്കർ. സായി ഒന്ന്‌ അമ്പരന്ന മട്ടാണ്.

88.medium shot- close up/tracking /back of Shankar

സുഹൃത്ത് 1:

(ശങ്കറിനു പിന്നിലായി മറ്റ് രണ്ടുപേരോടുമൊപ്പം ഒന്നാമത് നിൽക്കെ, അമ്പരപ്പിന് ശേഷം, ഏവരോടുമെന്നവിധം )

“എന്താ ഇവിടെ സംഭവിക്കുന്നത്!? ഒരുത്തൻ അങ്ങോട്ട്‌ പോയി…

ഒരുത്തൻ ഇങ്ങോട്ട്, ഇപ്പോ ഒരുത്തനെ കാണാനുമില്ല…”

കിരൺ :

(മൂന്നാമത് നിൽക്കെ, ഇരുവരേയും ശ്രദ്ദിച്ച് നിന്നശേഷം, ശങ്കറിനെയും സായിയെയും ഉന്നംവെച്ചവിധം, സംശയം പ്രകടിപ്പിച്ച് )

“നിങ്ങള് കണ്ടയാളുകൾ എന്തായാലും രണ്ടും രണ്ടാളുകൾ തന്നെയാ,

ആലോചിച്ചു നോക്കിയിട്ട്…”

89.medium shot

സുഹൃത്ത് 2:

(നിസംഘനായി നിൽക്കുന്നെന്നവിധം, ശങ്കറിനെ ഉന്നംവെച്ചവിധവും )

“നിങ്ങള് ബേജാറാകാതെ ഇതൊക്കെ വിട്. തത്കാലം വീട്ടിൽ പോകാം.

നാളെ മൊത്തത്തിലൊന്ന് വേണമെങ്കിൽ അന്വേഷിക്കാം.”

90.close up

ശങ്കർ :

(നിസംഘതയിൽ അമർന്നവിധം, മൂവരും പക്ഷെ സായിയെ നോക്കിനിൽക്കെ, സായിയോട് )

“അതെ. എന്തായാലും നാളെ കുറച്ചു പണിയുണ്ട്.

ബാക്കിയൊക്കെ നാളെ നോക്കാമെന്നെയ്…”

(സമാധാനഭാവത്തോടെ )

91.medium shot/P.O.V. of Sai

(സായി അമ്പരന്നുനിൽക്കുന്നതിൽ, ശങ്കറിന്റെ മുഖത്തേക്ക് നോക്കിയങ്ങനെ നിൽക്കുകയാണ് -മനസ്സ് മറ്റെവിടെയോ എന്നവിധം )

ശങ്കർ :

(O. S., തുടർച്ച )

“ഈ നട്ടപ്പാതിരക്ക് നമ്മളെന്തിനാ വെറുതെ, വല്ല കഞ്ചാവുകേസും ആയിരിക്കും.

എത്ര നാള് ഇവന്മാരിവിടെ വിലസും…നമുക്ക് നോക്കാം!”

(അപ്പോൾ ശങ്കറിന്റെ ഫോൺ റിങ്ങ് ചെയ്യുന്ന ശബ്ദം. സായിയുടെ കണ്ണുകൾ അങ്ങോട്ട്‌ പോകുന്നു -വലത്തേക്ക് )

92.close up/P.O.V. of Shankar

(ഇടത്തേ പോക്കറ്റിൽ നിന്നും മൊബൈൽ എടുത്ത്,കോൾ എടുത്ത് ഇടത്തേ ചെവിയിൽ ശങ്കർ വെക്കുമ്പോഴേക്കും, വലത്തേക്ക് താഴെ നോക്കിയപടി തുടരുകയാണ് സായി -സംശയം മനസ്സിലൊതുക്കിയവിധം.

മറ്റ് മൂവരും ശങ്കറിനെ നോക്കിപ്പോവുകയാണ് )

ശങ്കർ :

(വളരെ സമാധാനപൂർവ്വം )

“ആഹ് അമ്മേ...

അവള് ഓക്കേ അല്ലേ?

ആഹ് ഞാൻ വരുവാ…”

(മൂന്ന് വാചകങ്ങളും അങ്ങേ തലയ്ക്കലെ മറുപടികൾക്ക് ഉതകുംവിധം പറഞ്ഞശേഷം കോൾ കട്ട്‌ ചെയ്ത് ഫോൺ എടുത്തിടത്ത് വെക്കുന്നു ശങ്കർ, ശേഷം മുന്നിലെ പഴയപടി തുടരുന്ന സായിയെ നോക്കുന്നു )

93.long shot*/side/right side of Shankar

സായി :

(വലത്ത് താഴേക്ക് നോക്കി, പഴയപടി നിൽക്കെ, ഇടത്തേ കൈയ്യിൽ ഫോൺ )

“എനിക്കെന്തോ അത്ര നിസ്സാരമായിട്ട് തോന്നുന്നില്ല…

ഞാനൊരു പോലീസുകാരനല്ലേ! ശ്ശെ…

കൈവെള്ളയിൽ നിന്നാണ് പോയത്…”

94.medium shot /low angle /corner *

ഏവരും അതേപടി തുടർന്നങ്ങനെ നിന്നുപോവുകയാണ് കുറച്ചു സമയം -സംശയത്തിൽപ്പെട്ട് സായിയും പിരിഞ്ഞ് പോകുവാൻ സാധിക്കാതെ മറ്റുള്ളവരും.

95.long shot/low angle */back/back of Shankar 

(95)- ഷോട്ട് (സായിയുടെ ഇടത്തേ കൈയ്യിൽ ഫോൺ )

96.long shot/low angle /side/right side of Shankar 

(95)- ഷോട്ട് 

97.long shot/low angle /back of Sai

പെട്ടെന്ന് ശങ്കറിന്റെ ഫോണിൽ ഒരു മെസ്സേജ് വരുന്നു. സായി പഴയപടി വലത്ത് താഴേക്ക് നോക്കിയങ്ങനെ നിൽക്കുകയാണ്.

ശങ്കർ ഫോണെടുത്ത് മെസ്സേജ് നോക്കുകയാണ്. മറ്റ് മൂവരും ശങ്കറിനെ ശ്രദ്ദിച്ചുപോകുന്നു.

98.long shot*/low angle/left of Kiran 

ശങ്കർ :

(തന്റെ ഫോണിൽനിന്നും മുഖമുയർത്തി ശങ്കർ, ഭാവമൊന്നും കൂടാതെ സമാധാനത്തോടെ, സായിയോട് )

“അവന്റെ നമ്പർ തപ്പി അയച്ചതാ…ഞാൻ പറഞ്ഞില്ലായിരുന്നോ

പെങ്ങടെ ഒരു കൂട്ടുകാരി…

അവനത്ര വെടിപ്പല്ലെന്നാ അവള് പറയുന്നത്…”

99.medium shot

സായി :

(എന്തോ ആലോചിച്ചു ഉറപ്പിച്ചതിന്റെ ഫലമെന്നവിധം, വലത്ത് താഴെ നിന്നും മുഖമെടുത്ത് ശങ്കറിനെ നോക്കി )

“ആ നമ്പറിങ് തന്നേ…ഇത് ഇത്രയുമായി,

ഇന്നത്തെ മൂഡ് മൊത്തം പോയി…

ഇത് നാളത്തേക്ക് വെക്കേണ്ട ഇനി…”

(ഫോണിനായി ശങ്കറിനു നേരെ കൈ നീട്ടുന്നു -മുഖമെടുക്കാതെ, ശങ്കർ ഫോൺ കൊടുക്കുന്നു- സ്ക്രീൻ തെളിച്ചവിധം, സായി മൊബൈൽ വാങ്ങിച്ച് നോക്കുന്നു -ഒരു കൈക്ക് )

“ഏയ്‌…ഈ നമ്പറ്…”

(ഫോണിൽ നോക്കി ഒന്ന്‌ ഞെട്ടി, കണ്ണുമിഴിക്കുകയാണ് സായി )

100.medium shot/tracking /close up

സായി :

(അങ്ങനെ തുടരവേ മുഖമുയർത്തി ശങ്കറിനെ നോക്കി ഉച്ചത്തിൽ )

“എടാ ഈ നമ്പറ് തന്നെയാ ഈ സ്കൂട്ടറിന്റെ ഓണറിന്റെ…”

(എല്ലാവരുമൊന്ന് അനക്കംവെച്ച് ഞെട്ടുകയാണ് )

101.long shot/side/right side of Shankar 

അടുത്തനിമിഷം സായി മറ്റേ കൈയ്യിലിരുന്ന തന്റെ ഫോണിൽനിന്നും, തന്റെ വലതുകൈയ്യിലെ ശങ്കറിന്റെ ഫോണിലെ നമ്പറിൽ ഡയൽ ചെയ്ത് ഇടത്തേ ചെവിയോട് ചേർക്കുന്നു -കണ്ണുകൾ മിഴിപ്പിച്ചുപോയി അമ്പരന്ന്.

102.medium shot-close up /tracking 

Cut to:



Scene 7

Ext. കാടുപിടിച്ചൊരു സ്ഥലം. Night 2am

ഒരു യുവാവ് കൊല്ലപ്പെട്ടവിധം കാടുപിടിച്ച സ്ഥലത്തിനിടയിൽ കിടക്കുകയാണ് (പാന്റും ഷർട്ടുമാണ് വേഷം, ഷൂസും ), മലർന്ന്. ബാഗ് അടുത്തായി കിടക്കുന്നുണ്ട്, ദേഹത്തും ചുറ്റുപാടും രക്തം കാണുന്നുണ്ട്.

കാലുകൾക്ക് അല്പം അകലെയായി കിടന്ന് മൊബൈൽ റിങ്ങ് ചെയ്യുകയാണ് -യുവാവിന്റേതെന്നവിധം (കോൾ സായിയുടേത് എന്നവിധം- unknown number, ഫോണിലെ സമയം 2am).

103.medium shot */tracking /close up

Cut to:



Scene 8

Ext. അജ്ഞാതമായ ഏതോ റോഡ്. Night 2am

അരുൺ, പഴയപടി തോന്നിക്കുംവിധം, പക്ഷെ റോഡിന്റെ നടുവിലൂടെ മുന്നോട്ട് നടക്കുകയാണ് -കൈകൾ താഴ്ത്തിയിട്ട് (വഴിവിളക്കുകൾ ഉള്ള റോഡ് ആണ് ).

തോളിലുള്ള ബാഗിന്റെ, തോളിൽ നിന്നും കിടക്കുന്ന വള്ളികളിൽ യഥാക്രമം ഇരുകൈകളും പിടിച്ച് തല ഇടത്തേക്ക് വെട്ടിച്ചുകൊണ്ട് (ഞൊടിയിടയിൽ, സൈക്കോ ഭാവം പോലെ ) രൗദ്രവും ഭയപ്പെടുത്തുന്നതുമായ ഭാവത്തോടെ മുന്നോട്ട് നടത്തം തുടരുകയാണ്.

104.long shot- medium shot /back /tracking 

Cut to:



Scene 9

Ext. അജ്ഞാതമായ മറ്റേതോ റോഡ്. Night 2am

ബാഗുമിട്ട് കീരിച്ചാലിലേക്കെന്ന് പറഞ്ഞ് പോയ യുവാവ്, റോഡിന് നടുവിലൂടെ മുന്നോട്ട് നടക്കുകയാണ് (വഴിവിളക്കുള്ള റോഡ് ആണ് )- രൗദ്രവും ഭയപ്പെടുത്തുന്നതുമായ, സൈക്കോഭാവം മുഖത്ത് പ്രത്യേകം വരുത്തി, ആകെയും.

ഇരുകൈകളും മടക്കിപ്പിണച്ച് നെഞ്ചിൽ കെട്ടിവെച്ച് നടത്തം തുടരുന്നു.

105.close up-medium shot/tracking 

Cut to:



Scene 10

Ext. അജ്ഞാതമായ വേറേതോ റോഡ്. Night 2am

ജോബിൻ, കൈയ്യിൽ ഊരിപ്പിടിച്ച ഷർട്ടുമായി (പുറത്തായി ഇട്ടിരുന്നത് ), ഇട്ടിരിക്കുന്ന ബനിയനിൽ രക്തം പുരണ്ടവിധം, രൗദ്രവും ഭയപ്പെടുത്തുന്നതുമായതും സൈക്കോ ഭാവം പോലെയും ആകെ പ്രകടമാക്കി നടന്നുവന്ന് കയറി പോവുകയാണ്.

106.long shot*- medium shot /side/tracking /right side of Jobin 

Cut to:



BLACK SCREEN (Scene 7 -ലെ അന്തരീക്ഷം )

അരുൺ :

(വിജയഭാവത്തോടെ )

“അവനെയൊക്കെയിനി ഒരുപാട് കാര്യങ്ങള് ആലോചിക്കാനും,

അന്വേഷിക്കാനും ഒക്കെയുണ്ട്…”

107.

Cut.

ബാഗുകാരൻ യുവാവ് 2:

(വിജയഭാവത്തോടെ, തുടർച്ച )

“നമ്മുടെ പണികഴിഞ്ഞു, ഇനി അവൻ അന്വേഷിച്ച് വരട്ടെ…”

108.

Cut.

ജോബിൻ :

(വിജയഭാവത്തോടെ, തുടർച്ച )

“ബാക്കി അപ്പോൾ നോക്കാം…”

109.

Cut.

മൂവരും ഏതാണ്ട് ഒരുമിച്ച് മൃതദേഹത്തിനടുത്തുനിന്നും നടന്നകന്ന് പോകുന്ന ശബ്ദം.

110.

Cut.



Title – SAICO

(Sai and Co.)

111.

Cut.

End.



End credits

©ഹിബോൺ ചാക്കോ 

അവസാനിച്ചു.