മറഡോണ

ബ്യുണെസിൻ തെരുവിലെ നിശബ്ദത

ലോകമാകെ പടർന്നുകഴിഞ്ഞു

മാന്ത്രിക നീക്കങ്ങളാൽ വിസ്മയം 

തീർത്ത-കൈകളാൽ ദൈവത്തെ

ആവാഹിച്ച ആ കുറിയ മനുഷ്യൻ ഇന്നില്ല

വിശപ്പിന്റെ ഗന്ധം പുരണ്ടിരുന്ന അർജന്റീനി-

യൻ കാലത്ത് പന്തിനൊപ്പം പാഞ്ഞ് 

ദാരിദ്ര്യത്തെ നാണിപ്പിച്ച കാലുകളിനിയില്ല

ബോക്ക ജൂനിയർസിനും നാപ്പോളിക്കും 

ബാർസലോണയ്ക്കുമൊപ്പം ലോകം  എത്ര വിഷമിച്ചിരിക്കുന്നു

പെറോണിസത്തിന് കാവ്യമായ 

അനീതിക്കെതിരെ ശബ്ദവുമായിരുന്ന

ആ മനുഷ്യൻ മാഞ്ഞിരിക്കുന്നു.

'ഗോൾഡൻ കിഡ്'നവംബറിന്റെ രാത്രി 

എത്ര മൂകമായാണ് മടങ്ങിയിരിക്കുന്നത്

ലാനസിൽ നിങ്ങളിനിയുമുണ്ടാകും   

 ഞങ്ങളുടെ ഹൃദയത്തിലും    

കാൽപ്പന്തിന്റെ സഖാവിനു വിട