മനസ്സ്
മനസ്സ്
മനസ്സ് കടല് പോലെയാണ്
ഒഴുകുകയാണ് അക്കരെ എത്താൻ
ചില ഓളങ്ങളിൽ അത് അലറാറുണ്ട്
ആരും കേൾക്കാറില്ലെന്നു മാത്രം
ചില നേരം നീ പൊട്ടിച്ചിരിക്കും
മറുനേരം ചിന്തയിലാകും
നിന്നെ വായിക്കാൻ ചിലർ
ശ്രമിക്കാറുണ്ട്
രൂപമില്ലാത്തവനാണെങ്കിലും
മഹാനടികൻ മാത്രമാണ് നീ
മനസ്സ് ചിലപ്പോൾ പുസ്തകമാകാറുണ്ട്
ഒട്ടേറെ സമസ്യാപൂരണങ്ങൾ ഒളിപ്പിച്ച
പുസ്തകം
ചിലപ്പോൾ നീയൊരു തുറന്ന പുസ്തകമാകും
ചിലർക്ക് മാത്രം വായിക്കാവുന്ന
ചിത്ര പുസ്തകം
നിനക്ക് നവരസങ്ങളാണേറെ ഇഷ്ടം
പാമരനായി നീ മാറുന്ന വേളയിൽ
മർത്യർ അശ്രു ബാഷ്പം പൊഴിക്കുന്നു.
ചിലയിടങ്ങളിൽ നീ ദാനമേകും
എങ്കിലും ഇടയ്ക്കിടെ കല്ലേറ് കൊള്ളുന്ന
ഫലവൃക്ഷമാണ് നീയെന്ന സത്യം...