കവിത :-വിരഹം.രചന :- ബിനു. ആർ.
കവിത :-വിരഹം.രചന :- ബിനു. ആർ.
വാലിട്ടുസുറുമയെഴുതിയമിഴികൾ
അന്തരംഗത്തിൽവന്നു കിന്നാരം
പറയാറുണ്ടിപ്പോഴും
മായുകില്ലൊരിക്കലും മനസ്സിൽനിന്നും
പണ്ടെങ്ങാണ്ടു കണ്ട വിടർന്ന
നയനങ്ങളെ…
അഭിമുഖമായ് വന്നുനിന്നുതന്നൂ
ഒരുനറുച്ചിരിയാ മുഖകമലത്തിൽനിന്നും
ആലോലമായ് തരളിതമായ്,
മനസാകും വിപഞ്ചിക സന്തോഷത്തിൻ
കിലുകിലാരവം
പൊഴിച്ചതിപ്പോഴുമൊർക്കുന്നൂ ഞാൻ...
പലനാളുകൾക്കൊടുവിലൊരു
സായന്തനത്തിൽ ഉത്സവമേളത്തി-
ന്നടുവിൽ വീണ്ടും കണ്ടൊരാമുഖകമലം,
കല്മഷംനിറഞ്ഞാ വിടർന്നകരിമിഴികൾ
വിരഹഗാനം പാടുന്നുണ്ടെന്നുതോന്നി..