ജീവനം

 ഉദയസൂര്യൻ തൻ പൊൻ വെളിച്ചം ചിന്നിച്ചിതറി 

എൻ കൺപോളകളിൽ മുത്തമിട്ടു; ഇളം മാരുതൻ തഴുകി 

മറഞ്ഞു എൻ മുടിയിഴകളിൽ;

പുത്തൻ പുലരിയിലേക്ക് സ്വാഗതം.

കളമൊഴി പാടും ചെറു തേൻകുരുവികളും 

തേനുണ്ട് കുംഭ നിറഞ്ഞൊരു ചിത്രശലഭവും 

മഞ്ഞുതുള്ളികൾ ഇറ്റുവീഴും സസ്യങ്ങളും 

നിറഞ്ഞു നിൽക്കുന്നൊരു ആരാമം 

ഒരു ദിനത്തിനു തുടക്കം കുറിക്കാൻ ഉത്തമം.

ചെയ്തു തീർക്കുവാൻ ഉണ്ട് ഏറെ, നേടുവാൻ 

ഓടിത്തുടങ്ങണം, നഷ്ടമാക്കുവാൻ ഇനിയില്ല 

സമയം; പ്രകൃതി നൽകും ഊർജ്ജവും, അമ്മ ചൊല്ലി തന്ന നല്ല വക്കും, 

അച്ഛൻ പകർന്നു തന്ന ധീരമാം പാഠങ്ങളും ആണെന്നും എൻ കൈമുതൽ, 

പോർക്കളത്തിൽ മുൻപോട്ട് മാത്രം.

കാലചക്രത്തിൻ ഉടയോൻ ആരെന്ന് അറിയില്ല

എന്റെ ജീവിതചക്രത്തിൻ സാരഥി ഞാൻ തന്നെ 

കാലചക്രത്തിനൊരു പോരാളിയായി മാറാം.

മനസ്സിലെ നന്മയാൽ വഴിവിളക്കിൽ എണ്ണ പകരാം, 

വരുംകാലത്തിനു അൽപ്പം വെളിച്ചം ബാക്കിവെക്കാം; 

ഇന്നത്തെ നന്മകൾ ഞാൻ 

നേടിയതല്ല; ആരോ നേടിനല്കി, 

ഞാനും ആർക്കോ ആയി പകർന്നുകൊണ്ടേ ഇരുന്നു.

സന്ധ്യ മയങ്ങി, നാളെയും ഓട്ടം തുടരണം,ജീവിത പാഠങ്ങൾ നേടണം, 

ആർത്തു ചിരിക്കണം, നന്മകൾക്കായി ഈശ്വരനോടൊരു നന്ദി ചൊല്ലണം, 

സത്യങ്ങളെ കുട്ടുപിടിക്കേണം

രാത്രിയോട് കൂട്ടുകൂടി സ്വപ്നജാലകം തുറക്കാൻ നേരമായി, 

സ്നേഹത്തോടെ, ശുഭരാത്രി!!