ನಿನ್ನ ಕಂಗಳ ಕೊಳದಿ ಬೆಳದಿಂಗಳಿಳಿದಂತೆ

ನಿನ್ನ ಕಂಗಳ ಕೊಳದಿ ಬೆಳದಿಂಗಳಿನoತೆ 

ನನ್ನೆದೆಯ ಕಡಲೇಕೆ ಬೀಗುತಿಹುದು?

ಸೂಜಿಗಲ್ಲಾಗಿರುವೆ ಸೆಳೆದು ನಿನ್ನಯ ಕಡೆಗೆ

ಗರಿಗೆದರಿ ಕನಸುಗಳು ಕಾಡುತಿಹುದು.

ಎದೆಗೆ ತಾಪದ ಉಸಿರು

ತೀಡಿ ತರುತಿದೆ ಅಲರು

ನಿನ್ನ ಹುಣ್ಣಿಮೆ ನಗೆಯು ಛೇಡಿಸಿಹುದು 

ಬಳಿಗೆ ಬಾರ

Advertisement

ದೆ ನಿಂತೆ 

ಹೃದಯ ತುಂಬಿದೆ ಚಿಂತೆ

ಜೀವ ನಿನ್ನಾಸರೆಗೆ ಕಾಯುತಿಹುದು.

ನಾನೊಂದು ದಡದಲ್ಲಿ

ನೀನೊಂದು ದಡದಲ್ಲಿ

ನಡುವೆ ಮೈಚಾಚಿರುವ ವಿರಹದಳಲು

ಯಾವ ದೋಣಿಯು ತೇಲಿ

ಎಂದು ಬರುವುದೋ ಕಾಣೆ

ನೀನಿರುವ ಬಳಿಯಲ್ಲಿ ನನ್ನ ಬಿಡಲು