ಅರಳಲೀ ಮತ್ತೆ...
ಅರಳಲೀ ಮತ್ತೆ...
ಅರಳಬೇಕಾದ ಹೂವೇ?
ನೋವನಾರು ಕೊಟ್ಟರು ಹೇಳೇ?
ಬರಬೇಕಾದ ಸೂರ್ಯ ಬರಲಿಲ್ಲವೇ
ಮಳೆಹನಿ ಮುತ್ತಿಡಲಿಲ್ಲವೇ?
ಉದಯಕಾಲದಿ ನಲಿದ ನಿನ್ನ
ಹರಷದ ಘಳಿಗೆ ನೆನಪಿದೆ ಇನ್ನ l
ಸಂಜೆಗೆ ಸಂಕಟವೇಕೆ ನಿನಗೆ?
ಕತ್ತಲಾಗಬಹುದು ಎಂದೇ?
ಬೇರು ನಿನ್ನದೇ ರೂಪ ನಿನ್ನದೇ
ಭಾವ ಮಾತ್ರ ನನ್ನದೆ l
ಹೇಳಬಾರದ ವಿಷಯವ
ಕೇಳಬಹುದೇ ಮೆಲ್ಲಗೆ ll
ಜಗದ ಚಪ್ಪರದೊಳಗಿನ ನಿನ್ನ
ಸುಂದರ ವದನಕೆ ತಾಗಿದ l
ದೃಷ್ಟಿದೋಷಕೆ ಚೆಲುವು ಬಾಡಲು
ಕನಲಿದೆ ಎನ್ನ ಒಡಲು ll
ಬರುವನು ನಿನ್ನ ಸೂರ್ಯನು
ಬಾಡದಿರು ಹೂವೇ..l
ಗಾಳಿಬೆಳಕಿನ ಹೂರಣದಿ
ಮತ್ತೆ ಬದುಕಲಿ ಪ್ರೇಮವು ll