Library
Profile
भोजपुरी सरस्वती वंदना – मईया दया कईदा
भोजपुरी सरस्वती वंदना – मईया दया कईदा
1 min
342
रात दिन मईया तोहरे नामवा के जापी,
हमपे दया कइदा।
तनी देतु दर्शनवा मईया दया कइदा।
रात न चयन पड़े दिन ना चयनवा।
तोहरे के देखे खातिर तरसे नयनवा।
अबोध बलकवा हमके गोदिया में राखी।
हमपे दया कइदा।
तनी देतु दर्शनवा मईया दया कइदा।
बिदद्या के देवी माई देलु सबके ज्ञान हो।
बुद्धि लरकाई माई हम हई नादान हो।
अज्ञानी अनाड़ी हमहु कही बात सांची।
हमपे दया कइदा।
तनी देतु दर्शनवा मईया दया कइदा।
हंस के सवारी शारदा हथवा मे बिनवा।
बल बुद्धि दे दा हमके फेरा हमरो दिनवा।
लिखी लिखी गीतिया नाम तोहरो हम बाँची।
हमपे दया कइदा।
तनी देतु दर्शनवा मईया दया कइदा।
