રાજા અને પ્રજા

શિયાળાનો સમય છે. કડકડતી ઠંડી પડી રહી છે. રાજાને ઠંડી લાગી રહી છે, રાજા હવે થર થર ધ્રુજી રહ્યા છે, રાજા હવે એકાએક ખાંસી ખાવા લાગે છે. આ બધી ઘટનાઓનું ટીવી પર જીવંત પ્રસારણ થઈ રહ્યું છે. એ જોઈને પ્રજાને રાજાની ચિન્તા થાય છે. પ્રજા વિચારે છે: અમારું શું થશે જો આ રાજા નહીં હોય તો ? પ્રજા રાજાને ઠંડી ન લાગે એ માટે ઘરની બહાર આવી જાય છે ને પરમ કૃપાળુ પરમેશ્વરને પ્રાર્થના કરે છે: હે પરમેશ્વર, તું અમારો જીવ લઈ લે. પણ અમારા રાજાને બચાવ. પરમ કૃપાળુ પરમાત્મા પછી પ્રજાનો અવાજ સાંભળે છે. એ પ્રજાની રાજાભક્તિ જોઈને સર્વનો જીવ લઈ લે છે અને એના બદલામાં રાજાને બચાવે છે. પણ, હવે જે પ્રશ્ન થાય તે આ: રાજાજી કોના પર રાજ કરશે ? શું રાજાજી નવી પ્રજા પેદા કરશે ?