વરસાદ વરસ્યો

વરસાદ વરસ્યો તરબોળ 

મન હૈયુ ઓળઘોળ 

તું પલળે એ વરસાદમાં

કેમ ગમે તને પલળવું મારા વગર.

યાદનો મોસમ ઉભરાય ભરચોમાસે 

કેવો છલકે ઉનાળો ભર ચોમાસે

એકાંત ઉજાગર કરતો આ મોસમ

સાથનો ઓથ ગોતે ભરચોમાસે,

ધનઘોર છટા માદક મોસમની

ઊડાડે ઊંઘ અંતરમનની

ઝરમર છાંટો કોરો રહી ગયો 

તારી યાદનો મોસમ સળવળ્યો,

મોસમી રંગીન મિજાજ ક્યારે ઉભરાશે,

ધીરજ ધરતો ભરચોમાસે,

આહલાદકતા આ મોસમની કંઇક ઔર "રાહી"

કેવો મલકતો યાદનો ઉનાળો ભરચોમાસે.