વિચલિત

થાકેલો, હારેલો, કંટાળેલો 

માણસ ઘરની 

ચાર દિવાલમાં 

પુરાઈ બેઠો છે

શું થવાનું છે ?

શું થઈ રહયું છે ? 

આમાંથી હવે કયારે 

બહાર નિકળશું?

આ બધા વિચારોની 

વચ્ચે મનની પીડા ને

માનસિક પરિસ્થિતિમાંથી 

પસાર થતો માણસ 

ઘરનાં ભાડા 

લોનના હપ્તા

ત્રણ ટાઈમ ખાવાની 

વ્યવસ્થા 

વિજળી બિલ

પાણી બિલ 

સ્કૂલની ફી 

મહિનાની સાથે 

જ ખર્ચમાં 

જોડાઈ રહયું છે,

ઘંઘો બંધ 

આવક બંધ 

પૈસાની અછત 

એકસાથે જ 

વર્તાતી પરિસ્થિતિ 

માણસની શાંતિમાં

વિચાર બની 

ઘરની ચાર દિવાલમાં 

ઘુમ્મરી ખાઈ છે.