વિચાર કરો

આઝાદી છે વીરોની,

કુરબાનીનું પરિણામ જરા વિચાર કરો.

જાય ન એળે શહાદત એની કદી તમામ,

જરા વિચાર કરો.

કરી ઉપવાસને ધરી અંગઢાંક વસ્ત્રો,

જેણે લડત આપી હતી,

એનાં મૂલ્યો ન બની જાય વળી સૂમસામ,

જરા વિચાર કરો.

કૈંકે વેઠી જેલને ખાધા માર,

અંગ્રેજ સરકારના બેરહેમીથી,

ન બની જઈએ કેવળ પાશ્ચાત્યના ગુલામ,

જરા વિચાર કરો.

મા ભારતી પણ ઝંખતી હશે,

એવા સપૂતોને જે રક્ષનારા,

આતંક ક્યાંક ફાવી ન જાય આમને આમ,

જરા વિચાર કરો.

પાકી ગયો છે સમય આત્મમંથન કરવાનો,

આજે યુવાનો,

દેશ માટે કરી છૂટીએ બનતું કાંઈક કામ,

જરા વિચાર કરો.