તું તારું યુધ્ધ જાતે લડ

ચિંતન કરવાવાળા ચિંતા ક્યાં કરે છે ? 

કર્મમાં માનવાવાળા બસ કાર્ય જ કરે છે. 

 

જીવનભર સુખ-દુઃખના ચક્રો ચાલ્યા જ કરે છે, 

પણ ગીતાજ્ઞાની તો સ્થિતપ્રજ્ઞ બની નિજાનંદમાં જ ફરે છે. 

 

વધારે વિચારવાથી નિર્ણયો ડગમગાવાય જાય છે, 

પણ તેને શું ચિંતા? જેનો સારથી શ્રીકૃષ્ણ જ બની જાય છે. 

 

ખાલી નામ લેવાથી કૃષ્ણનું ક્યાં થવાય છે? 

કૃષ્ણને પામવા તો બસ કર્મના સિધ્ધાંત પર જ ચલાય છે. 

 

“તું બસ તારૂં કર્મ કર” આટલી નાની તો વાત છે, 

આ ના સમજનારા જ તેમના જીવનમાં ઉદાસ છે.