મેરેજ કે ડીલ
મેરેજ કે ડીલ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
લગ્ન સંબંધને સીડી બનાવાય છે,
આજકાલ મેળાપ નહીં, મેરેજ ડીલ થાય છે.
સીટી, બેંક બેલેન્સ અને પ્રોપર્ટી પહેલા જોવાય છે,
છોકરાની આવડતને આજકાલ ગૌણ ગણાય છે.
પરિવારની નેટવર્કથી જ છોકરો સારો લેખાય છે,
આવા જ ગાડરિયા પ્રવાહમાં સૌ કોઈ વહેતા જાય છે.
છોકરીનું પણ ફકત રૂપ જ જોવાય છે,
તેનું ભણતર અને આવડત સાઇડમાં મુકાય છે.
કાચા પાયા પર પાકા સંબંધો બંધાય છે,
બંને તરફ ફકત ફાયદો જ જોવાય છે.
પણ આ ફાયદામાં લોકો નુકશાની ભૂલી જાય છે,
પરિસ્થિતિ બદલાતા સંબંધ પણ નબળો જણાય છે.
અંતે આ મેરેજ ડીલ ફોક જાહેર થાય છે,
જીવનભરના સંબંધ ક્ષણભરમાં ટૂટી જાય છે.
દરેક પરિસ્થિતિમાં સાથે રહેવાનું વચન ભૂલાય છે,
પછી પ્રશ્ન થાય છે કે, "હમણાં છૂટાછેડા કેમ વધુ થાય છે?"