તમારા નગરમાં

મને મળી ગયું મારું તમામ તમારા નગરમાં,

ના રહેતી હૈયે કશીએ હામ તમારા નગરમાં, 

સ્વર્ગ સમી એ ભૂમિ મનને લોભાવનારી હો,

જ્યાંથી મળ્યાં તમે સુખધામ તમારા નગરમાં,

મળે મીઠો મધુરો આવકાર પગલાં મૂકતાંને ,

નિસર્ગની હાજરીને પ્રણામ તમારા નગરમાં,

બાગ બગીચા વાડીવૈભવ મનભરીને માણો,

પાલતૂ પશુપંખીઓના મુકામ તમારા નગરમાં,

સ્નેહ, સંપ, સહકાર પરસ્પર નગરજનોમાં, 

પાંચમાં પૂછાય એવું છે નામ તમારા નગરમાં.