થાક્યો હું
થાક્યો હું
સાચું ખોટું એ પારખતો રહ્યો હું,
હવે એ ખરા ખોટાની પરખ કરતાં થાક્યો હું.
લોકોની ખાતીર વેતરાતો રહ્યો હું,
હવે એ ખુદ જાત ધસાવી ધસાવી થાક્યો હું.
જગનાં રીત-રિવાજો પાળતો રહ્યો હું,
હવે એ પળેપળમાં મંગાતા પૂરાવાથી થાક્યો હું.
સંબંધોને માટે જતું કરતો રહ્યો હું,
હવે એ સબંધોની ધોખાબાજીથી થાક્યો હું.
સૌ કોઈને અપનાવતો રહ્યો હું,
હવે એ બધું સ્વીકારી સ્વીકારીને થાક્યો હું.
દુનિયાને એવું કહેતો રહ્યો હું,
હવે "નાના" તમારા બધાનાં દિલાસાથી થાક્યો હું.