તારા મુજબ

તું મને તારા મુજબ ધારી તો જો,

મારુ આ દિલ એ તરફ વાળી તો જો.

જિંદગી તારી બની જાશે જન્નત,

પ્રેમના એ વાયદા પાળી તો જો.

રાખમાંથી ખુશ્બુ જુદી આવશે,

પાપ સાથે પુણ્યને ત્યાગી તો જો.

સત્ય સમજાશે તમારા સ્વપ્નનું,

સાવ ખોટી ઊંઘથી જાગી તો જો.

જિંદગી આ દોડ કરતી આવશે,

એ પરમ પદને જરા પામી તો જો.

પ્રેમમાં મેં પંડિતાઈ જોઈ છે,

દર્દ કેવા હોય છે જાણી તો જો.

તો મજા 'આભાસ'ને આવશે,

મોત સામે ચાલીને માગી તો જો.