સત્ય-અસત્ય

અસત્ય-:

દૂર કરો પ્રકાશ, અંધારું બહુ ગમે છે,

ખોટા કામો ને સાથ આપનાર, માનવ બહુ ગમે છે

સત્ય-:

અંધારે ભટકનારા, ફાંફાં બહુ મારે છે,

સત્યનો એક પ્રકાશ, અંધારું ચીરે છે,

અસત્ય-:

સત્યને માનનારાઓ હવે, પુસ્તકોમાં વસે છે,

સત્તા અને લોભમાં, સસ્તામાં વેચાય છે,

સત્ય-:

એક અકેલો પ્રહલાદ, ના અસત્યને ઝુકે છે,

ખરા ટાણે નરસિંહ, પ્રહલાદની ફેવર કરે છે,

અસત્ય-:

વાતો એ સતયુગની, આજે કલયુગ વસે છે,

સાચા ધર્મને ના માનનારાઓથી જ,

અસત્યજ આજ જીતે છે,

સત્ય-:

બંધ આંખો એ અંધારું જ દેખાય છે,

ધીમે ધીમે પ્રકાશ કિરણ પણ દેખાય છે,

જુઠની થઇ આજે જીત,

કાલ સત્યની દેખાય છે.