સરવૈયુ

સાઠે ઘરડો ને સિત્તેરે ડોહો કાં તો સોળે જવાન,

સિત્તેરનો જવાન ચોપ્પનનો અનુભવી તાનમાં ખીલ્યા વાન।

સિત્તેરે પહોંચવાનો લાભ ક્યાં સૌને મળે ભાગ્યવાન,

કાફી મૂલ્યવાન હોય છે એ રહસ્યો શોધને 'લ્યા જવાન.

જે છે પૂરતું છે વધારેની લાલચ નથી એમાં જ છે શાન,

વયસ્કના વયના વાનનાં તાળાંની કૂંચી સંતોષ છે જવાન.

વયોવૃદ્ધને ઘરડાઘરમાં મૂકી આવવું માણસાઈનો મૃત્યુઘંટ,

વૃદ્ધાશ્રમ નાબૂદ કરવાની સલાહ ક્યારે સમજશે સંતાન ?

ઢળતા પડાવે કરે મહેચ્છા- સિદ્ધિઓનું સરવૈયુ લીલા ગજબ,

મહેચ્છાઓનું શોધી મારણ માણે જીવન તો ખાય માનપાન !