સંબંધોની દુનિયા
સંબંધોની દુનિયા
દુનિયાભરના સંબંધો છે દુનિયામાં, સંબંધો જિંદગીનું બીજું નામ છે
સંબંધોની આ સરસ દુનિયામાં, ગણિત અને રાજનિતિનું શું કામ છે ?
ઈર્ષ્યા, અપેક્ષા, બેવફાઈ, જૂઠ, શક, હક, અને અહમ છે પોલાણ સંબંધોના
આ પોલાણ ને રાખો માપમાં, નહીં તો સંબંધ બની રહે છૂપા સંગ્રામ છે,
સંબંધો હોય છે હંમેશ કાચ જેવા, તૂટે તો જતી નથી તિરાડ
'જતું કરીને જાળવી રાખો’ની ભાવના, અખંડ સંબંધ માટેની હામ છે,
પ્રેમનો હોય પતંગ અને સાથે હોય સમજણની મજબૂત દોરી
સંબંધોના એવા આકાશમાં મહાલતા દરેક ને સલામ છે.