સંબંધોની છબી
સંબંધોની છબી
આજે આ છબી ઝાંખી કેમ થઈ ગઈ છે ?
લાગે છે લાગણી કેરા સંબંધોના એ રંગ ઊડી ગયા છે.
ઊગેલા સ્નેહ પર, ઊનાળે વાયરા ફરી વળ્યા તો,
ચોમાસે ખીલેલા એ ગુલાબી ફુલ 'બેકગ્રાઉન્ડ' થઈ ગયા છે.
નજરુ રૂપી કાંચથી નિહાળતા વિસરી ગયા તમે તો,
વિરહ કેરી ધૂળનાં એ જાળાથી 'ફ્રેમ' થઈ ગઈ છે.
કાચા પન્ને લખેલી એ પ્રીત ફાટી ગઈ તો,
વાંચનાર માટે હવે એ લીટી 'સ્લોગન' થઈ ગઈ છે.
એવી તો શું ભૂલ રહી ગઈ છબી મઢનારની કે,
ચિત્રકારની એ મીઠી કલ્પના વ્યર્થ 'ડ્રોઈંગ' થઈ ગયું છે.
યાદ નથી કેટલો સમય થયો આ છબી લટકાવી તેને,
હવે તો લાગે છે, છબી મટી એ ભીંત કેરુ 'પોસ્ટર' થઈ ગયું છે.