સંબંધ

જરુરિયાતની બુનિયાદ પર સ્થપાય છે સંબંધ,

વૈચારિક સામ્ય સંધાતાં પરસ્પર બંધાય છે સંબંધ,

' આપો અને મેળવો ' એ છે સૂત્ર સંબંધનું આખરે,

જતું કરવાની ભાવના થકી એ વખણાય છે સંબંધ,

બીજાનું વિચારવાની ભલમનસાઈ દાખવવી પડે છે,

ત્યાગ અને સમર્પણની વાતે ઓળખાય છે સંબંધ,

લાભ મેળવવા અહીં ભલા થવું અનિવાર્ય ગણાય છે,

સમજશક્તિને સહનશક્તિથી સમજાય છે સંબંધ,

એકતાનો એક મૂક સંદેશ સંબંધમાં સચવાય જાય છે,

અનુકૂલનની અદાથી કેવો એ વિકસી જાય છે સંબંધ.