સમય-પુરાણ
સમય-પુરાણ
વીતેલા સમયની શી જાહોજલાલી,
હવે વર્તમાને બધું ખાલીખાલી !
પુરાણી ઘડિયાળ દે આમ ઠપકો,
'હવે શું જુઓ છો ? હું વિસરાઈ ચાલી !'
સમય આકળો થઈને પળને ધખે છે,
તમે ધીમે ચાલી કીધી પાયમાલી !
શું જોઈ પૂછો છો-સમય શું થયો છે ?
કરચલી જુઓ, મુખ પર ફૂલીફાલી !
શી રીતે પકડવી આ ચંચળ પળોને ?
હશે-છે-હતું તૂર્ત દે હાથતાળી !
સમય પાથરે પણ અને છિનવે પણ,
ગગન પરની તેમજ ચહેરાની લાલી.
ડરે છે સમય આંગળી એને દેતા !
રખે કોઈ એનું ન પહોંચું લે ઝાલી !