સમજૂતી

મન સાથે થાય જ્યાં સામાધાન નામ એનું સમજૂતી.

થાય એકમેકના રાજીપાનું નિદાન નામ એનું સમજૂતી.

એક કદમ તમે ચાલો એક કદમ હું એવો ઘાટ થનારો, 

જળવાય ઊભયપક્ષનું સન્માન નામ એનું સમજૂતી.

મતભેદ ટળી જાયને મધ્યમ માર્ગની હોય વિચારણા,

ગુમાવીને મેળવવાનું હોય નિશાન નામ એનું સમજૂતી. 

થાય છે દીવાઓ બેય ઘેર આનંદ ઉત્સાહ વરતાતો, 

રહી જાય પછી એકબીજાનું માન નામ એનું સમજૂતી. 

હોય છે ક્યારેક માંગ સમયની પામી જવાનું હોય છે,

ભૂલાતું નીતિ નિયમોનું શાનભાન નામ એનું સમજૂતી.