સ્મિતના રંગ
સ્મિતના રંગ
તારી ઉદાસીને સ્મિતના રંગોથી ભરી દઉં
વાસંતી આ પર્વને પ્રેમનાં રંગે રંગી દઉં,
ફાગણ ફાલ્યો છે ભરપૂર અવનવા રંગોથી
મહેકી રહી છે વસંત પુષ્પતણી ફોરમથી,
'સુવાસ' પ્રણયની તારાં જીવનમાં ભરી દઉં
તારી ઉદાસીને સ્મિતના રંગોથી ભરી દઉં,
ગુલાબી આ ગાલનો ને લાલ આ હોઠથી
વહાલ તણો વાદળી રંગ વહેંચું હું સ્નેહથી,
સરિતા પ્રણયની તારાં જીવનમાં વહાવી દઉં
તારી ઉદાસીને સ્મિતના રંગોથી ભરી દઉં.