ચુંબકીય આકર્ષણ

થોડી થોડી વારે તને જોવાનું મન થાય,

એવું તે કેવું તારું ચુંબકીય આકર્ષણ ?

તારામાં કંઈ નવું ન દેખાય,

તો યે આંગળીઓ ફેરવાય,

તું સ્હેજ નજરથી દૂર થાય,

ને સૌને હૈયે ગભરામણ થાય,

તારા લીધે જ તો તૈયાર થવાય,

નિતનવા ફોટા પણ રોજ પડાય,

સ્હેજ કંઈક નવીન દેખાય ને

યાદ તારી આવી જ જાય,

ક્યાંક કોઈ સુંદર કામ થાય,

ક્યાંક કોઈ મોત પણ થાય !

ગુના પણ ઘણા ઘણા થાય,

તો ક્યારેક અકસ્માત સર્જાય,

ને યાદ તારી આવી જ જાય,

માનવતા જાણે સંપૂર્ણ ભૂલાય,

કોઈક ને મરતા પણ દેખાય

ને બસ ઘટનાના ફજેતા થાય

તારામાં વિડીયો લઈ લેવાય,

પણ મદદની ઈચ્છા ન થાય.

ધોળા દિવસે કોઈ ખૂન થાય,

દીકરીની ચીસો ચોપાસ પીંખાય,

તોયે માત્ર એના વીડિયો જ લેવાય,

મદદની જરાય ઈચ્છા જ ન થાય,

દયાની ભાવના સાવ જ ભૂલાય,

ઓ મોબાઈલ, એવું તે કેવું તારું ચુંબકીય આકર્ષણ !

ઓ મોબાઈલ, એવું તે કેવું તારું ચુંબકીય આકર્ષણ !