સખી ! ભરીએ રસની વાડી !
સખી ! ભરીએ રસની વાડી !
ભરીએ રસની વાડી !
સખી ! રસ ચેતના આજ જગાડી,
હૈયે હૂંફની બખોલ પાડી !
સખી ! ભરીએ રસની વાડી !
નિરખ્યાં નેણને પાછાં ન વાળીએ,
શરદ ચંદ્રના ચોક વાળીએ !
શબ્દ આશના પ્રિતથી પલાળીએ !
સખી ! ભરીએ રસની વાડી !
ઝબકી જ્યોતિ ઉરને ઉંબર,
ચમકી વીજળી રાત્યને અંબર !
લે, ઝાલી આશનો હાથ !
દે, દઈ અખંડ સાથ !
છે, આતો -
પંથ ભૂલેલ; નાથનો અનાથ !
સખી ! ભરીએ રસની વાડી !
ભરીએ રસની વાડી !
સખી ! રસ ચેતના આજ જગાડી,
'આવ ' ની આશ ઉગાડી !
સખી ! ભરીએ રસની વાડી !