શરૂઆત
શરૂઆત
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
23.5K
કોઈકે તો હવે શરૂઆત કરવી પડશે.
અંધારી અમાસની રાત ટાળવી પડશે.
બીજાને ' ખો ' દેવાથી કામ નહીં ચાલશે,
કોઈકે તો સાવસાચી વાત કહેવી પડશે.
પારકી આશા સદાય નિરાશા અપાવે,
કોઈકે તો પોતાની ઘાત વિદારવી પડશે.
સમસ્યાની પરંપરા આવ્યા જ કરવાની,
કોઈકે તો એની નાતને પડકારવી પડશે.
પ્રગટી જવું આત્મબળનું અત્યંત જરૂરી,
કોઈકે તો જીવનમાં ભાત આકારવી પડશે.