નયનથી નયન મળ્યા
નયનથી નયન મળ્યા
નયનથી નયન મળ્યા કે,
થઈ તું મારી નજર....
પહેલી એ ક્ષણની પહેલી એ મુલાકાત
થઈ તું મારી પ્રીત..(૨)
જાણ્યા અજાણ્યામાં થઈ એ મિત્રતા
કે, મિત્રમાંથી સાથી....
થઈ તું મારી સંગિની.
હતા એ જુદા જુદા સાથી..
હતી મંજિલ પણ એ જુદી,
કોણ જાણે ક્યાં આવી પહોંચી નાવ મારી કે,
થઈ મુલાકાત તારી સાથે મારી.
લાજવાબ તારા હોઠના એ ઉત્તર
તારા હળવા હળવા સૂર સાંભળી
થયું મન મારું પ્રફુલ્લિત કે,
થઈ તું મારી સુરીલી.
હતી એ ક્ષણ કે, જેમાં નિહાળી મુજને,
તું મંદ મંદ મલકાતી હસતી હતી...
તારી એક નજરથી તીર મારી
કરી ગઈ તું મુજને ઘાયલ.
આ નસીબ જ છે એવું કે,
ક્યાં તું મહેલોની રાણી અને
હું હતો ઝૂંપડીનો રહેવાસી..
તારી એક મુસ્કાન ફરકી કે,
થઈ તું મારી સંગિની.